Kesse do trône do rwè Yopôl III d' Beldjike

Li kesse do trône do rwè Yopôl III (on dit eto "Afaire rweyåle), c' est on herleme-herlame k' i gn ourit el Beldjike e 1950, la k' on n' voleut nén ki li rwè Yopôl III rimonte sol trône. Il aveut stî djudjî trop camaeråde avou Hitler tins del guere di 40. Et pask' il aveut rmaryî Liliane Baels, ene djin k' esteut eto foirt a droete.

Monumint ås cwate moirts do metingue di Gråce-Bierleu tins d' l' afwaire rweyåle

Plake avou l' no des moirts

Gn a yeu cwate moirts tins d' on metingue a Gråce-Bierleu, li 30 di djulete 1950 : des djindåres avént saetchî so les metingueus, et troes did zels, et on cwatrinme pormineu, fourît ahessîs djus.

Les Bedjes estént foirt pårtaedjîs sol kesse do Rwè Yopôl III. Les PSC disfindént li Rwè. Les socialisses estént conte.

Cwand l' disdut a stî houte, gn a yeu come on tabou d' endè djåzer, disk' å cmince do 21inme sieke. On djheut "On n' distere nén les viyès vatches".

Sicrijhaedjes e walon sol kesse do Rwè Yopôl III

• Corwaitaedje da Lucyin Mahin (so l' Aberteke)
• Ene pîce di teyåte ki s' passe li djoû do touwaedje di Gråce-Bierleu