Prétins arabe

Les revintreyes arabes di 2011, c' est des revintreyes ou des metingues di rclamaedje repetitifs k' i gn a yeu dins cåzu tos les payis arabes e 2011. Elle kimincît di l' ivier 2010-2011, mins on ls a loumé li prétins arabe. Portant, elle estént co lon d' esse houte di l' esté.

Imådje:Al Thoura.jpg

dessén d' èn Edjipcyin do 17 di fevrî 2011

Elle ont stî enondêyes pal revolucion tunizyinne. Dabôrd, al fén des féns (ou purade å cmince do cmince), på broûlaedje di lu-minme da Mohamed Bouazizi.

Tré l' moes d' fevrî, sacwants politikîs des payis do Coûtchant dijhèt ddja ki les revintreyes arabes di 2011 sont on mouvmint politike ossu impôrtant ki l' toumaedje do meur di Berlin. Et kécfeye aveur les pinses di candjî leu politike eneviè l' monde arabe.^[1]

Cåzes

Des djonnes edjipcyins vinèt sotni les revinteus libyins di Benrazi (23 d' fevrî 2011)

Cåzes politikes

Les payis k' ont potchî les prumîs, c' est les cis avou on mierpårti, miné på prezidint k' esteut la dispu des ans et des razans. Tos les opôzants, islamisses, comunisses, liberalisses, et rafiyants des abondroets del djin avént stî reclôs (Tunizeye), schafyîs (Sireye, 1982) ou båynés.

Cåzes economikes

Les redjimes k' ont stî li pus coscheus, c' est la ki ene seule djin et s' famile et les gros colés do pårti unike avént fwait mwin basse so tote l' economeye.

Kidujhance des parints et soçons des mineus

Li famile et les soçons des mineus do payis (rwès ou "prezidints a veye") si codujhént sovint sins ratna dins l' societé. El Tunizeye, les beas-frés da Ben Ali ont cayî des djins a l' ouxh di leu måjhone po l' aveur da zels. E Marok, ene tante do rwè rexha avou on fizik do tribunå di Xhenifra et mancî ene pårlêyresse ki disfindeut des djins ki l' avént ametou vaila po ene afwaire di tchamps.

Banires a Sidi Smayil (Marok) po dmander des contes å mayeur

Boerlaedjes di slogans

Rivindje po des macsådaedjes passés

E Sireye, li veye di Hana fourit cåzu distrûte et 20000 djins macsådêyes e 1982 på redjime da Hafid El Assad. Li rsovnance di ces margougnaedjes la a stî bén vicante tot åd dilong del revintreye siryinne po tchôkî les djins avå les voyes po metinguer, cabén k' i s' fijhént dischinde come des robetes.

Djivêye des revintreyes arabes

• Revintreye tunizyinne (enondêye li 17 di decimbe 2011)
• Revintreye edjipcyinne (enondêye li 25 di djanvî 2011)
• Guere civile libyinne
• Guere civile yemenresse
• Spotcheye revintreye do Bareyn
• Revintreye siryinne (enondêye li 15 di måss 2011)
• Metingues di rclamaedjes å Marok (2011) (enondés li 20 di fevrî 2011)

Manires di rclamer

Les banires

Li mwaisse manire di rclamer des djins, c' esteut di håyner des banires avou do scrijhaedje, å pus sovint e l' arabe, mins padecô eto e l' inglès u e francès.

Les criyaedjes

Les criyaedjes a môde di slogan estént apresté pa les mineus, k' avént sovint des hôt-pårleus.

Hårdêyes difoûtrinnes

• Bate di dvizes so les revintreyes arabes (so "Berdelaedjes")