地级行政区
From Wikipedia, the free encyclopedia
地级行政区是现行中华人民共和国行政区划當中常规个第二级行政区划单位。地级行政区包括地级市、地区、盟、自治州等。地级行政区隶属於省、自治区、直辖市;下辖若干個县、区、县级市等县级行政区。作为特例,东莞市、中山市、嘉峪关市、三沙市、儋州市等五個地级市下辖街道办事处搭乡镇,弗辖县、区。地级行政区个级别为正厅级,所以非正厅级个省直辖个行政区划弗算作地级行政区,譬如:湖北省辖个仙桃市、天门市、潜江市;河南省辖个济源市咾啥。直辖市下辖个区,虽然是正厅级,但朆列入地级行政区个统计。
实际丄,省辖市与地级市并弗是一樁事體。省辖市是在省或自治区直辖下个市,既可以是正厅级(即地级市),也可以是副厅级(像湖北省个仙桃市),也可以是县级市(像海南省个五指山市)。