小樽市

小樽市（日文：小樽市／おたるし ^{Otaru shi}），勒拉日本北海道道央个一座港口城市，北面是日本海，东面是北海道道厅所在地札幌市。小樽市因发展时间比大多数北海道城市早，是较早开始发展个港口都市之一，市区内有交交关关百年传统历史建筑，也因此凭借独特个城市景观、玻璃工艺等特色成为日本重要个旅游城市之一，人气弗低^[1]。

小樽市勒拉北海道个位置

名字个由来

小樽个地名来自阿伊努语个“ota-ru-nay”（侵蚀沙滩个河浜/沙滩上有痕迹个河浜）、“ota-nay”（沙个河浜）或者“ota-or-nay”（沙滩当中个河浜）^[2][3]，发音搭日文个“小樽内”一样。

交通

铁路

小樽站

• 北海道旅客铁道（JR北海道）
  • 函馆本线

• 新干线
  • 北海道新干线（勒拉造，预估2030年造好^[4]）

公交

• 北海道中央巴士（日语：北海道中央バス）^[5]
• JR北海道巴士

公路

• 札樽自动车道

水路

• 小樽港

观光

小樽运河

小樽市最重要个观光景点基本侪分布拉市中心。

小樽运河勒拉1923年造个，现在伊搭伊岸边个散步路已经成为小樽观光个名片，岸上个仓库也畀改造成观光景点，河浜上还还乘游船^[6]。

手宫线（日语：手宮線）是北海道头一条铁路^[7]。虽然伊已经畀废脱，但是伊个遗址成为观光景点^[8]。

小樽市中心个老多旧银行建筑亦是小樽著名个观光景点。旧日本银行小樽支店个建筑由东京站个设计师辰野金吾搭仔伊个弟子长野宇平治设计，勒拉1912年造好，是小樽顶顶具代表性个西洋式建筑，现在是金融资料馆，对外开放^[9]。

小樽个玻璃文化也是小樽观光个重要部分，小樽八音盒堂就展示销售各类小樽玻璃工艺品搭八音盒^[10]。

小樽山多，有名个有天狗山（日语：天狗山 (小樽市)），箇浪看到个夜景是北海道三大夜景之一^[11]。

参考文献

1. 第 11 回「地域ブランド調査 2016」最も魅力的な市は３年連続で函館市。石川県・金沢市が上昇 (ja). 地域ブランドNEWS. 访问日脚2017-04-29.
2. アイヌ政策推進室. アイヌ語地名リスト (ja). 北海道庁. 访问日脚2017-08-16.
3. 小樽市過疎地域自立促進市町村計画 (ja). 小樽市. 原始文档勒2017-08-16存档. 访问日脚2017-04-29.
4. 北海道新幹線札幌延伸に向けて（４）～小樽市の取組み～ (ja). 北洋銀行. 访问日脚2017-04-30.
5. 小樽路線 (ja). 北海道中央バス. 访问日脚2017-04-30.
6. 初めての方もこれで安心！小樽運河パーフェクトガイド (ja). 北海道ラボ. 访问日脚2017-04-30.
7. 旧国鉄手宮線 (ja). 小樽市. 原始文档勒2017-04-22存档. 访问日脚2017-04-30.
8. 小樽運河を観光。おすすめの見所と歩き方 (ja). たびらい北海道. 访问日脚2017-04-30.
9. 建物のご紹介 (ja). 日本銀行. 访问日脚2017-04-30.
10. 小樽オルゴール堂 (ja). 株式会社オルゴール堂. 原始文档勒2017-04-23存档. 访问日脚2017-04-30.
11. 天狗山のご紹介 (ja). 小樽天狗山. 访问日脚2017-04-30.

外部链接

维基共享资源里向寻得着搭该篇文章搭界个多媒体资源：

小樽市

• 小樽市官方網站 档案，存勒互联网档案馆当中。（2021年8月5号）
• 小樽觀光協會 档案，存勒互联网档案馆当中。（2021年8月29号）