立陶宛历史
From Wikipedia, the free encyclopedia
立陶宛人属远古印欧语系个一支,拉公元前即已经来到波罗个海沿岸定居。
12世纪起受日耳曼人侵略。1240年,立陶宛大公国成立。1370年,波兰王室绝嗣,1386年波兰公主海德维希嫁畀立陶宛大公亚盖隆,两国个结合让国力倍增,已成为欧洲大国。1569年依据卢布林条约正式合并,成立波兰立陶宛联邦。由于对外长期战争,加上国内动乱弗止,国力迅速衰退,最终拉1772年、1793年搭1795年为俄罗斯、普鲁士搭奥地利个三次瓜分后灭亡。立陶宛大公国个领土,自此成为沙俄版图个一部份。
第一次世界大战期间,立陶宛被德意志帝国佔领。1917年俄国接连爆发二月革命搭十月革命,最后由列宁主导成立苏维埃俄国。1918年2月16号,立陶宛宣布独立。1939年德苏签订互弗侵犯条约后,苏联军事佔领立陶宛。1941年德苏战事爆发,德军跨出东普鲁士,迅速佔领立陶宛。第二次世界大战之后,立陶宛被苏联吞并。1990年3月宣布独立,1991年6月苏联承认渠个独立地位。