万航渡路

萬航渡路勒垃中國上海市靜安區、長寧區。伊是n形個，南起愚園路，北到曹家渡折向西，阿末勒垃周家橋轉望南到長寧路路口接婁山關路，全長4830米，闊15.1到21.7米。伊一開始叫極司非爾路（Jessfield Road），是1864年上海公共租界越界築路修個。1943年，租界收轉來個辰光，因為當地個擺渡口法華渡俗稱梵皇渡，故咾改名「梵皇渡路」。1964年用諧音改成萬航渡路^[1]。