崩瓜

崩瓜，也謳浜瓜，是一種特殊個西瓜。伊翠綠顏色個、橢球形個、里向是黃心個果肉搭仔血紅顏色個籽，邪氣甜，喫口清爽^[1]。伊個皮薄唻雷打個辰光就會得崩開來，故咾叫崩瓜，也因此來勒運輸路丄向損耗邪氣大。崩瓜本來多種勒三林鄉東南面個同濟、荻山、金光、南阜等村里向，故咾也叫三林崩瓜。^[2]抗日戰爭個辰光日本人拿瓜籽收到日本去，叫伊「嘉寶」。上世紀七十年代，上海農科院從日本收轉來崩瓜原種「嘉寶」籽三百粒，交畀三林公社種籽站去種，一代代培育出現在個三林崩瓜。2013年，三林崩瓜獲農業農村部頒發個「國家農產品地理標誌」認證證書，外加三林崩瓜栽培技藝成為「浦東新區非物質文化遺產」。^[3][4][1]

一盤切開個崩瓜

伊同亭林雪瓜、七寶黃金瓜、甜瓜一道叫「上海四大名瓜」。^[5][6]