上杉谦信

上杉謙信（1530年2月18號－1578年4月19號）是日本戰國辰光邪氣有名個大名，北陸道越後國出身，因為伊作戰老有魄力，戰鬥力強，所以，畀後世譽為「越後之龍」、軍神。伊拿佛教個毗沙門天當做自家個守護神。

越後之龍像

改名

伊是越後守護代長尾為景個小兒子，小辰光叫做「虎千代」，成年之後，改叫長尾景虎。後勢來，由於伊繼承關東管領個「上杉」姓氏，同時，先後得到關東管領上杉憲政替室町幕府幕府將軍足利義輝個賜名，所以，也叫做上杉政虎、上杉輝虎，伊篤信佛教，法名謙信，號宗心，齋號不識庵。