上海圖書館

上海圖書館，簡稱“上圖”，上海市頂大个圖書館，是中國大陸規模僅次於中國國家圖書館（勒拉北京市）个第二大圖書館，國家一級圖書館。造勒1952年，現館址勒拉淮海中路、高安路口，於1996年12月對外開放。擁有各類圖書、報刊、資料總計達5400余萬冊（件）。^[1]

上海圖書館外景

上海圖書館內部

上海科學技術情報研究所是一個綜合性情報研究搭文獻服務單位，成立於1958年。1995年10月交上海圖書館合併，成爲國內第一個省（市）級圖書情報聯合體。^[2]

上海市中心圖書館是弗改變圖書館个行政隸屬、人事搭財政關係个情況下頭，以上海圖書館爲總館，其他區縣圖書館、高校圖書館等組成个一種圖書館聯合體。^[3]

歷史

上海圖書館創建於1952年7月，原址勒拉南京西路325號（民國時期个跑馬廳，後爲上海美術館等單位易手使用）。1993年因城市發展需要，勒淮海中路1555號建設新館，並勒拉1996年12月正式對公眾開放。

規模

上海圖書館占地3.1公頃，建築總面積達8.3萬平方米。館體正面有得仿造中國古代建築結構个數根巨柱與斗拱結構，玻璃採用特質个雙層隔音玻璃，可以有效隔脫來自淮海路个噪音。圖書館內部有得各類閱覽室33個，展覽廳2個，學術研討室4個，音樂欣賞室1個，影視欣賞廳1個。

館藏

上海圖書館有得各類圖書、報刊、資料達5095萬件（至2007年），古代文獻是上海圖書館个館藏特色，乃朝有得歷史文獻370余萬冊，其中，一千四百餘年前个《維摩詰經》是年代頂久遠个藏品。

四樓外文書報期刊室內亦藏有各國捐贈圖書，其中包括德國搭澳大利亞官方捐贈个圖書、期刊以及多媒體借閱服務。此外四樓也設有一隅爲上圖聯合國托存圖書館，成立於1984年1月，托存資料包括聯合國个中英文出版物、檔以及亞太經社會檔；其中其他一些發行出版物个聯合國專門機構有：教科文組織、糧農組織、世界衛生組織、世界銀行、世界氣象組織搭亞洲發展銀行等。

館外書庫

上海圖書館有三個館外書庫，分別爲航頭書庫、龍吳路保存本書庫搭莘莊特種文獻書庫，一般弗對外開放，索書可至綜合出納台登記預約。

1. 龍吳路保存本書庫：每個禮拜二、五接待，上午9:00～12:00 ,下午13:00～16:00
2. 莘莊特種文獻書庫：每個禮拜二、四接待，上午9:00～12:00 ,下午13:00～16:00
3. 航頭書庫：每個號頭由工作人員調取資料一趟。^[4]

文獻提供

上海圖書館會爲使用者提供文獻服務，包括各種類型搭載體个文獻查尋、廣域檢索、館際互借及至最終傳遞。

服務對接

上海市中心图书馆体系是上海图书馆帮其他区县图书馆、基层图书馆、高校图书馆组成个一种图书馆联合体，通用上海图书馆个读者证。^[5][6][7]

上海市各級公共圖書館讀者借閱資訊侪勒垃上海市公共信用信息服务平台浪，上海圖書館上海市中心圖書館亦有得計劃使用上海市公共信用資訊服務平臺个信用記錄。^[8]

2014年4月份开始，上海图书馆帮上海市教育委员会、上海开放大学等开展上海市电子学生证合作项目，对接上海市电子学生证。上海个中学生小学生好直接刷电子学生证用中心图书馆体系里向任何单位个资源，根据年龄段获得相应个权限^[9]。