上海广播电视台

上海廣播電視台，同上海文化廣播影視集團有限公司（英語：Shanghai Media Group，簡稱SMG）一個機構兩塊牌子。伊是2014年3月31號個辰光，老底子個上海文化廣播影視集團搭仔上海廣播電視台、上海東方傳媒集團有限公司合併出來個，是一家集合廣播、電視、報紙、網絡咾啥個多媒體集團，也是中國目前產業門類頂多、產業規模頂大個省級廣電媒體搭仔綜合文化產業集團。伊個口號叫「傳播向上力量，豐富大眾生活」。

伊有13套免費電視頻道、14套全國覆蓋付費電視頻道、1套本地覆蓋付費電視頻道搭仔13套廣播頻率。伊還開辦寬帶網絡電視、手機電視搭仔IPTV咾啥個業務^[1]。