东海气油田问题

東海油氣田問題指中國(主要勒勒吳越地區東面海里向)搭日本爭論東海油氣田個開發權。

中日專屬經濟區海爭議場化（斜線）

爭端起因

東海最寬個場化就得360海里，葛老中國日本個專屬經濟區落仔一淘。根據1982年「聯合國海洋法公約」，假是話兩面大家話有200海里專屬經濟區，葛麼會得有重疊個場化，這伊要通過相關國家談判解決。日本硬要話中國日本專屬經濟區要照「中間線原則」，勒中日大陸海岸當中劃分。但是中國要話照大陸架自然延伸原則：東海大陸架是中國大陸水低下個自然延伸，葛麼沖繩海槽纔是中日專屬經濟區個分界線。

因為搿個爭議個場化有交關石油、天然氣資源，中國搭日本雙方儕向仔能源去個，葛老有衝突。

中日政府有過幾趟談判，討論東海資源屬於啥人，歸哪方開採，但是雙方未達成滿意的解決方案。除開劃分領海界線問題上有分歧，中國2003年開始開發個靠近中間線中方一間個春曉氣油田落成個消息讓日本政府更加急哉。中國外交部還好幾趟表示，中國有關氣田包括春曉氣田個開發完全是勒中國近海，搭日本嘸爭議個，是行使自己主權權利個正常活動。對中國日本勒東海劃分問題浪個分歧，中國方面一例主張雙方通過外交談判來解決。

歷史

日本發放開採權

2005年7月14號，日本經濟產業大臣中川昭一，正式宣布批准帝國石油公司勒東海個中國專屬經濟區試開採石油、天然氣，試驗開採區來勒中國「春曉油氣田」搭「斷橋油氣田」南面三個礦區。中川昭一強調，假使中國弗馬浪停下來勒「中日中間線」中方一側個開採，日本就應該儘快批准企業試開採，否則「中日中間線」東面個石油天然氣資源就會得撥中國「春曉」搭「斷橋」兩個油氣田通過「吸管原理」吸來跑脫。他還話，中國方面提出個聯合開發建議只弗過是勒爭取時間。

日本媒體講，中國方面「春曉」、「斷橋」油氣田2005年10月份開始生產，日本經濟產業省有關方面急唻交關，希望通過撥企業試開採權，表明日本保護資源個決心，來牽制中國開採油氣資源。有人算過，鑽一口試開採油氣井大約匝要20億—40億日元，為仔保證試開採順利進行，日本政府要幫相關企業提供必要經費。但是日本部分專家學者認為，從撥企業試開採權到實際試開採還有一定距離。日本企業一旦真箇試開採，中國方面肯定會得強烈反對，接下去自家跌進去。增加協調溝通，以和平方式解決爭端再是上策。帝國公司負責人對外宣布：「搿個批准允許公司勒東海三個總面積為400平方公里場化勘探油田。」但是該公司也有顧慮。伊表示：「開採石油現在或者以後，勒行動之前，先要問（日本）政府海浪個安全問題。」

7月15號，中國外交部亞洲司司長崔天凱約會日本駐華使館公使渥美千尋，表示日方撥仔帝國石油公司勒東海爭議海區試開採權是對中國主權權益個嚴重個挑釁搭侵犯，也違反聯合國海洋法公約有關規定。中方對此表示強烈抗議。

中日一道開發

日本共同社2008年6月16號報道，5月份中國國家主席胡錦濤訪問日本辰光，搭日本首相福田康夫話好暫時弗講領土爭端，聯合開發東海氣田^[1]6月18號，中國外交部發言人姜瑜正式證實搿個消息：中國日本勒東海氣田問題浪達成一致，依據中國法律聯合開發春曉氣油田。^[2]

後續發展

2010年9月7號上半天，一艘中國漁船來勒釣魚島海域畀兩艘日本巡邏船撞，還以妨礙公務捉脫箇艘漁船個船長，因之推遲本來定勒9月中旬舉行個第二次東海問題原則共識政府間談判。

2010年9月26號，海上自衛隊表示春曉汽油田來仔10艘中國海洋調查船，伊拉嘸沒進日本專屬經濟區(EEZ)海域，必過海上自衛隊畀介許多船同時集結嚇着，拉出交關巡邏艦艇去監視。^[3]共同開發個講法也就嘸沒啥後續哉。

2015年，日本方面發布隻《防衛白皮書》，里向要求中國停止開發東海油氣田，還準備開雙邊會談要求中國停止開發^[4][5]。

氣田個名字

日本經濟產業省幫東海三個天然氣田起仔日本名字，春曉氣田麼，叫「白樺」，斷橋氣田搭冷泉氣田麼，叫「楠」搭「桔梗」。

日本經濟產業相中川昭一2005年9月27號透露，中國勒勒開發個東海「天外天」油氣田，日本叫伊「樫」（橡樹）。