二级市场

二級市場是交易一眼已經發行個金融工具各市場，該些金融工具可以包括股票、債券、期權、期貨等等。二級市場也會得撥用來指稱譬如房利美搭房地美個些抵押銀行賣撥投資者個貸款。

廣義浪向，「二級市場」迭個詞語也可以用來形容任何一種買賣二手貨物、二手資產個市場，或者買方主要基於二級用途個市場（譬方講傳統浪向珍珠米齊是用來賣撥人搭畜生吃個，但弗過勒二級甚至三級市場裡向，伊就會得賣撥乙醇生產企業）。

勒初級市場里向，證券搭另外個金融工具是初次發行個，投資者直接從發行者個墶買了證券個所有權。發行者可以是首次公開募股個公司，也可以是發行國債個政府機構。勒初級市場交易結束後，投資者可以勒二級市場購買所有權。

二級市場裡向交易個資產有各種貸款、股票，有零散個也有集中個，有流動性弱個也有強個。各主要交易所齊是最顯而易見個股票交易二級市場。紐約股票交易所、倫敦股票交易所搭納斯達克撥股票投資者提供了集中個、強流動性個二級市場。大多數個債券以及結構性產品齊通過場外市場交易，或通過交易所個經紀來買賣。貸款則有專門個網絡貸款交易所。