亚美尼亚人

亞美尼亞人（亞美尼亞文：Հայեր）是一個一徑垃高加索南面活動個歷史悠久族群。公元前500年開始形成自家個國家，之後長期充當東西方個緩衝國。到15世紀，畀奧斯曼帝國吞沒，19世紀挨末階段，因為垃奧斯曼帝國當中個經濟地位，遭到排斥歧視，1914年開始畀青年土耳其黨控制個奧斯曼帝國有規模有組織屠殺，死脫一百多萬人。造成祖居地區個消失。唯有蘇聯控制個東亞美尼亞有保存。1990年代，亞美尼亞獨立，亞美尼亞人開始重新有自家個民族國家。乃朝亞美尼亞人有八百多萬，箇當中只有三百多萬垃亞美尼亞本國居住，其餘分散世界各地，垃美國、俄國個亞美尼亞社區規模驚人。