达新

达新（泰语：ทักษิณ ชินวัตร； 全名译名：达新·西那瓦，还有人根据其泰文名音译成他信；中文名：丘达新，1949年7月26号生），出生地：泰北清迈府，伊是第四代泰国华裔，史无前例做满两届总理，勒泰国创立他信经济。2006年军事政变仔么下台流亡。

伊个执政生涯一直充满交关争议。一方面，伊推行个"30泰铢治百病"、"乡村发展基金"等政策深受底层百姓欢迎；另一方面，反对派强烈指控伊利用职权为家族企业谋利，特别是2006年伊家族拿西那瓦集团股份卖拨新加坡淡马锡公司个交易，被批评是"出卖国家资产"、"巨额逃税"，引发大规模街头抗议，2006年畀军事政变推翻，伊人逃到外头。2023年8月22号，达新总算结束仔15年个海外流亡，回到泰国，同一天捉得去哉，最高法院马上判仔伊8年监禁。^[1]后来泰王特赦，刑期减到一年，再假释，总共关仔连半年也朆到。^[2]2025年9月9号，泰国最高法院正式裁定，讲达新之前假释前头一直勒医院里、完全朆真正服刑个做法是违法个。法院判伊必须重新入狱服刑一年^[3]。