伐伦西亚大区

伐倫西亞大區（西文：Comunidad Valenciana，伐倫西亞文：Comunitat Valenciana）是伊比利亞半島國家西班牙境內個一個自治大區。具體位置立在西班牙個東部，挨牢地中海，西面是卡斯蒂亞-拉曼查大區，北面是加泰隆大區，南面是穆爾西亞大區。伐倫西亞大區面積2萬3千多平方千米，人口超過五百萬，是西班牙人口第四多個大區（排勒馬德里大區、加泰隆大區搭安達盧西亞大區之後），也是第三大城市伐倫西亞個所在地。此地1238年畀阿拉貢王國個哈梅一世光復。之後一腳屬阿拉貢王國管轄，乃朝通用伐倫西亞文搭卡斯蒂亞文。