传奇小说

傳奇是中國小說里向個一種，可以歸納勒文言文個短篇小說里。唐朝辰光個傳奇小說勒內容來講是從魏、晉特之後來一共六隻唐前朝代辰光個神仙妖怪個小說^[1]浪廂繼承過來個，主要是「傳寫奇事，搜奇記逸」能嘎個麼事^[2]。但是胡應麟倒覺着特之與六朝筆記小說比較來講是：「凡變異之談，盛於六朝，然多是傳錄舛訛，未必盡幻設語，至唐人乃作意好奇，假小說以寄筆端」^[3]。唐朝人個創作在搜奇上擴大了傳奇的題材搭仔內容，題材浪廂主要是愛情、神怪、俠義、歷史個四種。代表性個作品有得：沈既濟《枕中記》、《任氏傳》，張鷟《遊仙窟》，陳玄祐《離魂記》，李公佐《南柯太守傳》，陳鴻《長恨歌傳》、《東城老父傳》，元稹《鶯鶯傳》，蔣防《霍小玉傳》，白行簡《李娃傳》，牛僧孺《玄怪錄》，袁郊《甘澤謠》，裴鉶《傳奇》等。

個只體裁之名稱個來龍去脈

「傳奇」個只名字是從唐朝中段開始用的。唐朝後期個小說家裴鉶特伊自家個小說集起名字叫做之《傳奇》，索性就內體裁個名字當作之伊自家小說個專門名字。後首來宋朝有個人叫曾慥，伊編了只《類說》個集子，其中也收集了元稹個《鶯鶯傳》，個只集子也叫做之「傳奇」。

個只體裁興起個原因

• 唐朝個傳奇小說是勒魏晉等朝代個筆記小說個基礎浪發展出來個。伊個辰光社會生產力發展得快，城市裏廂經濟發達又鬧猛，老百姓對文化娛樂個需要也相應個來得多了；從另外一方面看，都市個經濟繁榮，也弄出了交關事體變成了邪氣豐富個主題搭仔素材。
• 唐朝個中期是阿拉現在講個古文運動個高潮時期，也是唐朝個傳奇文學繁榮個辰光，個批古文運動個作者，來勒伊拉提倡以史記特漢書當作樣子個古文寫法個同時，自家也創作了交關好個特傳奇體裁類似個作品。舉例來講有韓愈寫個毛穎傳、柳宗元寫個河間傳等。
• 唐朝人科舉「溫卷」個風氣，促使了傳奇個興盛，個樁事體可以勒宋朝個趙彥衛寫個《雲麓漫鈔》第八卷里廂個講法看到：「唐之舉人，藉當世顯人以姓名達之主司，然後以所業投獻。逾數日又投，謂之溫卷。」由於傳奇「文備眾體，可見史才、詩筆、議論」個特色，文人可以用虛構個手法來寫小說，所以作品就更加能寫得靈光而看得出作家個文學才能。唐朝個傳奇作家裏廂有勿少人是進士出身，根據馮沅君個考證，來勒伊列出個四十八位唐傳奇作者當中，除脫二十七個人因為是行事出身嘸沒考取外，另外個二十一位當中有得舉人或進士十五人、明經一人、擢制科一人、應進士而落第一人、進士或者制科出身個三人。
• 傳奇往往採取拿韻律搭仔散文擺勒一道個形式、作品裏廂詩搭仔文並舉，既繼承了六朝小說個傳統，又受到當時講唱佛經等演變了個文體個影響。

傳奇體裁個特色

宋朝個洪邁說：「唐人小說不可不熟，小小情事，淒惋欲絕，洵有神遇而不自知者，與詩律可稱一代之奇。」唐朝人寫個傳奇比六朝小說進步個地方，大至可以歸納成功下頭列出來個五點：

1. 內容搭仔題材得到了豐富與擴大
2. 從粗陳梗概個敘事變到之結構完整個長篇故事^[4]
3. 情節更加委婉搭仔曲折
4. 文辭華麗還又優美
5. 有意識個來搞創作

唐朝辰光傳奇個時期劃分

• 唐高~唐肅宗:個些皇帝個辰光是初唐特之盛唐個年代 ，是傳奇個繼承開發期
• 唐代宗~唐宣宗:個包括整個中唐個年代，個段辰光是傳奇個繁榮期
• 唐懿宗~唐末:勒個段晚唐個辰光傳奇進入了衰退期