俄语维基百科

俄語維基百科（俄語：Русская Википедия）是維基百科協作計劃個俄語版本，非營利組織維基媒體基金會維持負責個。乃朝是斯拉夫語族版本個維基百科裡向詞條數量頂多個隻，到2025年9月30號，有得超過206萬條條目，勒垃所有維基百科版本裡向規模排名第7（依條目量計算）。本計劃2001年5月份開始個，主頁2002年11月7號創立個，是第六隻條目數達到100萬條條目個維基百科版本。因為伊個政治觀點幫俄羅斯政府弗一樣，外加因為吸大麻（ru:Курение каннабиса）條目里向嘸沒提到大麻個危害^[1][2][3]、透露2022年俄烏戰爭里向俄羅斯部隊個情況咾啥個，俄語維基百科經常性畀俄羅斯政府罰款^[4]，俄羅斯國家杜馬三天兩頭要求拿伊封脫^[5]，還推出星俄語維基百科個分支項目。