克里斯蒂安二世

克里斯蒂安二世（丹麥語：Christian 2.，1481年7月1號－1559年1月25號）丹麥搭挪威國王（1513年—1523年）；瑞典國王（1520年—1521年）。渠是阿末一個以卡爾馬聯合個形式統治丹麥、挪威搭瑞典三國個國王。

苦命君主克里斯蒂安二世

倒台搭故脫

克里斯蒂安二世為仔富國強兵，積極搞改革；但迭個也讓伊迅速內外交困。開初是瑞典獨立，後手來漢薩同盟搭尼德蘭也同丹麥關係搭僵，丹麥貴族覺着伊再繼續通知下去，國家就要完結脫哉，個咾在拉1523年發動反對伊個叛亂，並支持克里斯蒂安二世個爺叔——荷爾斯泰因公爵弗雷德里克當丹麥國王。

在拉迭只關鍵時刻，克里斯蒂安二世倒是縮脫哉。伊弗曾認真抵抗歇，就急齁齁領牢仔一家門離開丹麥，在拉當年5月1日抵達低地澤蘭省個費勒避難。

流亡當中個克里斯蒂安二世，還想依靠神聖羅馬帝國皇帝搭西班牙國王卡洛斯一世相幫，重新復辟。8年之後，伊覺着時機已經成熟，就在拉1531年10月24號，領仔一支軍隊渡海，企圖奪回王位。

但因為一場突如其來個風暴，伊在拉挪威海岸大部分艦隊儕損失脫哉，乃麼結果反倒是陷入仔畀丹麥當局攻擊個危險局面。在拉抵抗失敗之後，克里斯蒂安二世在拉1532年7月1號簽署奧斯陸條約，向弗雷德里克一世投降。弗雷德里克一世拿伊囚禁起來，直到1559年1月故脫。

配偶搭後代

克里斯蒂安二世搭奧地利哈布斯堡家個伊利沙伯 (1501-1526)結婚，一共有六個囝：

丹麥王子約翰 (1518-1532)。

馬克西米利安 (1519)。

菲利普（1519-1520）。

丹麥個多蘿西婭（1520-1580），1534年嫁畀巴拉丁公爵腓特烈二世。

丹麥個克里斯蒂娜（1521-1590 年）， 1534 年搭米蘭公國個弗朗切斯科·斯福爾扎伯爵結婚；伯爵死脫之後，1541年搭洛林公國個弗朗西斯一世伯爵結婚。

奶末頭兒子，夭折（1523 年）。