共產黨

共产党顶顶开始辰光是以代表无产阶级（就是工人阶级）个利益为名义成立个政党。顶早个共产党畀人认为是1847年成立个共产主义者同盟。现在普遍指以共产主义搭卡尔·马克思、弗里德里希·恩格斯对共产主义搭资本主义个讲法为指导思想个政治团体，以拿社会推向共产主义社会为最终目标。曾经勒1917年十月革命过后掀起仔头一趟浪潮（就是推翻脱本来个政权体制建立社会主义国家个运动，个歇辰光还朆有别个国家成功过），还勒二战过后掀起第二趟浪潮，中华人民共和国勒该段辰光基本建立仔全国性个社会主义制度。共产党搭独裁政权搭界是从斯大林1922年选上俄国共产党（布尔什维克）中央委员会总书记开始个，后歇来个人叫俚“斯大林主义”。