冰

冰，就是凍結成固態個水。取決於冰里向個雜質（譬方土壤或氣泡顆粒），冰可以是透明個，或者帶眼弗透明個藍白色。

太陽系裡冰個含量邪氣豐富。來拉地球表面也存量極大，尤其是來拉極地搭雪線以上地區。外加作為地表沉澱物搭沉積物個常見形式，冰來拉地球水循環搭氣候上起著關鍵作用。伊好以雪花、冰雹、霜、冰錐或冰柱等形式出現。

冰分子好以溫度搭壓力，表現出高達十六種弗同形態（分子堆疊形狀）。當水迅速冷卻後，根據伊經過個壓力搭溫度，好生成三種弗同形態個「冰」。從冰變成水個過程稱為冰烊脫，而從冰直接變成水蒸個過程則稱為升華。冰也好通過水蒸汽直接沉積（凝華），譬方霜。

常常看到個冰因為帶有小氣泡，入射光線會得來拉冰-氣界面上反射，個咾呈現白顏色。而雪花積壓形成個冰川就嘸啥氣泡了，水分子個氫氧鍵(O-H)振動讓光譜上偏紅個部分儕吸收脫了，個咾呈現藍顏色。 

冰用場廣泛，包括製冷、冬季運動、冰雕藝術咾啥。

冰是全球氣候個關鍵組成部分之一，尤其拉水循環個部分起著重要個作用。冰川搭積雪是淡水個重要儲存機制; 隨著辰光個推移，伊拉可以升華或烊脫，並重新變成淡水加入循環。