里斯本

里斯本(葡文：Lisboa），是歐洲大陸西南伊比利亞半島西端個一個城市。乃朝歸葡萄牙管轄，人口超過180萬，也是迭個國家頂頂大個城市搭仔首都。此地立在中世開始辰光為回教徒占領，之後通過拉鋸，到12世紀挨末階段，為葡萄牙王國攻克並當作自家個首府。之後，此地因為大航海時代繁榮起來，成為葡萄牙殖民帝國個核心。弗過，因為1580年國家搭西班牙合併搭後勢來個荷蘭人崛起，地位下降。18世紀當中階段，里斯本遭遇歐洲百年難碰個大地動，死脫交關人，老城也畀毀，乃朝個裡斯本，大部分是立在18世紀挨末階段重修個。