加藤清正

加藤清正(假名：かとう きよまさ），日本戰國挨末階段邪氣聞名個武將。出身東海道尾張國愛知郡，是羽柴秀吉個親戚，後勢來幫伊效勞，成為豐臣政權個有力支柱。立在小田原征伐之後，成為大大名之一。之後，參加文祿慶長之役，並攻擊到過滿洲地區個女真人部落。同明帝國軍隊多有相互交手。弗過，也立在迭個辰光，搭石田三成為首個近江派文官發生矛盾。回到日本之後還畀豐臣秀吉關到監獄當中過。1598年豐臣秀吉死脫之後，加藤清正搭自家個老搭檔福島正則一道畀老烏龜德川家康收買，立在關原之戰當中為德川氏效力。勝利之後，獲封西海道肥後國個熊本藩，成為熊本藩第一代藩主並鑄造熊本城。晚年，加藤清正受到老烏龜個防備，弗過伊個存在也讓德川家康弗好對豐臣秀賴出手，1611年加藤清正死脫。1632年，加藤清正後代遭到德川幕府改易，家族敗亡。

日語表記
日語原文	加藤 清正
假名	かとう きよまさ
羅馬字	Katō Kiyomasa

加藤清正

維基共享資源里向尋得著搭該篇文章搭界個多媒體資源：

加藤清正