北京

北京（官话：Běijīng），即北京市，是中华人民共和国个首都，又称之为“京城”，中华人民共和国四个直辖市之一。伊勒拉华北平原个西北面边缘，西面是燕山，永定河经过北京老城西南，四周分别有天津市、河北省，是京津冀城市群个重要组成部分^[1]。

天安门

北京是一座有三千多年历史、八百五十多年建都历史个文化名城，历史浪共有五个皇朝曾定都拉此地。北京是全国个政治中心，也是华北个经济核心，乃歇更是全国顶大个陆空交通中枢。

北京荟萃了明、清辰光搭仔中华人民共和国建国以后个中国文化，拥有诸多名胜古迹搭仔人文景观，拥有交交关关个历史名胜古迹搭人文景观，有七项世界遗产，是世界浪拥有文化遗产项目数顶顶多个城市，世界浪想去北京看老建筑个人弗少^[2][3]。而且伊个政治氛围另有一功，是中华人民共和国个政治中心。告咾通常拨江浙人认为是一个旅游胜地，不过一星南方人认为该城市勒吃个方面呒拨啥吸引力。

文化

北京文化是内陆农耕文化搭草原游牧文化个结合体。由于地理位置个关系，北京自从辽代开始就受到北方游牧民族个影响，来勒蒙古帝国搭满洲帝国统治个辰光，又称为帝国个首都。几百年个统治，让北京文化带有浓厚个游牧色彩。北京话就是受到游牧人影响后变异产生个。老北京话里向交关词汇，又来自满语。

教育

北京是中国个教育中心，自从晚清开始，就有交关学堂来勒此地办学。民国辰光，北京有著名个北京大学、辅仁大学、燕京大学、清华大学，是新文化运动个发源地。现在还有十余所985、211重点大学。此外还有邪气多个艺术学院、专业学院来勒北京。

体育

北京拥有专业个篮球队搭足球，伊拉个球迷以激进闻名，北京国安队个主场工人体育场每场比赛侪有几万人观看，场面邪气火爆。

参见

• 2008年北京奥运会
• 2022年北京冬奥会

• 北京
• 
• 
• 
• 
• 
• 
• 
• 
• 
• 
•