北翟路

北翟路是中華人民共和國上海市長寧區搭仔閔行區個一條路，西起嘉閔高架路連勒北青公路，東到中環線接長寧路。伊因為東西兩端起點分別是北新涇幫諸翟，故咾叫箇個名字。道路是中華民國14年(1925年)個辰光工部局越界築路修個，伊個辰光是從北新涇到華漕個路，用上海公共租界工部局總董庇亞士個名字叫伊庇亞士路（Pearce Road）。中華民國32年（1943年）改名西湖路^[1]。中華民國34年（1945年），路往西延伸到諸翟鎮，改叫北翟路^[2]。