十二章国徽

十二章國徽是1913年2月到1928年間中華民國北洋政府辰光個中國國徽，又稱「嘉禾國徽」。圖案基於中國古代禮服個十二章花紋，設計者是魯迅、錢稻孫搭許壽裳。袁世凱所建立個中華帝國亦沿襲作為國徽。

十二章國徽

歷史

• 1912年（民國元年）8月份，伊個辰光勒拉中華民國教育部個魯迅、錢稻孫、許壽裳三家頭受命畫國徽圖案。8月28號設計好。錢稻孫繪圖，魯迅寫說明，勒拉1913年2月發表^[1]。
• 1913年（民國二年）2月份，《教育部編纂處月刊》第一卷第一冊刊登《致國務院國徽擬圖說明書》，文里向說明國徽採用十二章，並還附有國徽圖。文章附註里向還講，原圖經國務院提意見，已經照改過。文章嘸沒簽名，但同《魯迅日記》裏寫個一樣，可能是魯迅等人作個。《魯迅博物館保管目錄》裏向有「袁世凱時期國徽圖案鉛模一件」，是十二章國徽圖案，鉛質，明文。