卡尔梅克共和国

獨立個卡爾梅克

卡爾梅克人個祖先，衛拉特蒙古人，從南西伯利亞伊犁河谷個草原移民到伏爾加河下游地區。對搿趟移民，有勿同個解釋，但主流個答案是搿些卡爾梅克人要為渠拉個牧群尋找充足個牧場。渠拉大概勒垃1630年到仔伏爾加河下游地區。不過，搿點地方勿是無撥爭議的牧場，而是諾蓋（Nogai）人，一個突厥語游牧部族個故鄉。卡爾梅克人拿渠垃驅逐到高加索平原跟勒海奧斯曼帝國統治下個克里米亞汗國。一些諾蓋人尋求勒海阿斯特拉汗個俄羅斯駐軍個保護。剩下來個諾蓋突厥部落成為卡爾梅克汗個屬民。

卡爾梅克人定居勒垃從北面個薩拉托夫到南面個伏爾加河三角洲個阿斯特拉汗跟西南面個Terek河畔個廣闊草原。渠垃也駐紮勒垃從西面個頓河到東面個烏拉爾河當中個伏爾加河兩岸。儘管渠拉個領土現在屬於俄羅斯，但無撥理由講當時是俄羅斯個殖民地。勒垃卡爾梅克人控制下頭個地方最終撥稱為「卡爾梅克汗國」。

勒垃移居到伏爾加河下游個25年當中，卡爾梅克人成為沙皇個臣屬。為仔交換保護俄國個南部邊疆，卡爾梅克人撥答應每年通往俄國邊界地區市場個許可跟通道。開發市場撥假定可以削弱卡爾梅克人跟俄國人同巴什基爾人間個互相搶劫。另外，卡爾梅克人對俄國個忠誠是表面上個，因為渠拉個可汗習慣建立勒垃一套渠拉稱為「游牧大法典」(註：可能是1640年確定個「蒙古－衛拉特法典」)個法律上頭個自治。

卡爾梅克汗國勒垃阿玉奇汗（Ayuka Khan）（1669 - 1724）個統治下頭達到仔軍事政治力量個頂峰。勒垃渠個辰光，卡爾梅克汗國履行仔渠保護俄國南部邊界個義務，外加發動了交關趟對突厥語鄰居跟高加索地區個成功個遠征。汗國通過與俄國邊疆城市，中原，西藏跟渠拉個穆斯林鄰居個自由貿易實現仔經濟繁榮。勒搿一段辰光里向，卡爾梅克人同渠拉勒垃準噶爾個衛拉特蒙古親戚跟西藏個達賴喇嘛保持仔密切個聯繫。

強迫接受俄國個統治

到仔阿玉奇汗時代個結束個辰光，沙皇政府實行仔逐步削弱卡爾梅克汗廷權力個政策。搿個政策，比如講，鼓勵俄國人跟伏爾加日爾曼人移民到卡爾梅克人勒伏爾加河下游地區漫遊個牧場裡向。搿種移民占有仔老早屬於卡爾梅克人搿地方去飼養渠拉自家搿家畜，並且，勒拉一些情況下頭，把卡爾梅克人變成仔奴隸。俄國東正教，相對應個，迫使交關多個卡爾梅克人詭異仔東正教。沙皇政府強迫卡爾梅克汗接受仔一個東正教堂，搿個行動稀釋渠個權威，同時繼續要求卡爾梅克汗提供騎兵代表俄國作戰。到18世紀中期，卡爾梅克勒垃俄國人對渠個內政個侵犯跟干涉中日益省悟。

屋巴錫汗(Ubashi Khan)，作為阿玉奇汗個曾孫跟末腳一個卡爾梅克汗，決定帶領渠個人民回到渠拉祖先個土地:準噶爾去。勒海渠個領導下頭，大概廿萬卡爾梅克人直接向中亞沙漠遷徙，勒路浪向，老多卡爾梅克人撥渠拉個哈薩克跟吉爾吉斯敵人伏擊殺死或者俘虜去當奴隸。也有交關多人因為饑渴而死脫。勒海幾個號頭個艱苦旅程以後，只有9萬6千卡爾梅克人到達仔巴爾喀什湖附近個滿洲帝國（清朝）個西部前哨新疆。

勒海阻止逃跑失敗以後，葉卡傑林娜大帝廢除仔卡爾梅克汗國，拿所有個權力儕歸到阿斯特拉罕個政府里向去。繼續留勒俄國土地上個卡爾梅克人繼續為俄國作戰，比如拿破崙戰爭，克里米亞戰爭跟俄土戰爭。渠拉逐步定居，用房子跟廟宇代替仔可拆卸個蒙古包。勒垃1865年，埃斯塔那（Elista），未來個卡爾梅克共和國個首都建造起來，搿一個過程持續到1917年俄國革命以後。

俄國革命跟集體化

勒垃1917年共產主義十月革命以後，交關卡爾梅克人勒垃俄國內戰中加入仔白軍，特別是勒垃弗蘭格爾（Pyotr Nikolayevich Wrangel）將軍跟鄧尼金（Anton Ivanovich Denikin）將軍手下。蘇維埃政權嚴厲懲罰仔留下來個卡爾梅克人，處決了10000人。

卡爾梅克自治洲勒垃1920年11月4號成立，布爾什維克同時處決了10000卡爾梅克人。

勒垃1931年，斯大林命令進行集體化，關閉佛教廟宇，燒毀仔卡爾梅克人個宗教書籍。渠把所有喇嘛和擁有超過500隻羊個卡爾梅克人驅逐去西伯利亞。強迫個集體化（跟乾旱，無樹木個土地）勿符合卡爾梅克人個習性，並且是一個社會、經濟跟文化上個災難。大約6萬卡爾梅克人勒1932年到33年個大饑荒里向死脫。

勒垃1935年10月22號，搿個地區撥升級為俄羅斯聯邦社會主義共和國下頭個卡爾梅克自治共和國。

卡爾梅克人個離散 I

1920年年底，勒垃紅軍到達克里米亞半島以前，大量個卡爾梅克人跟鄧尼金將軍個白軍殘部一道從俄國移居去仔土耳其。大部分選擇重新勒垃塞爾維亞貝爾格萊德定居，小數人定居去仔保加利亞索非亞、捷克斯洛伐克布拉格跟法國個巴黎跟里昂。1929年卡爾梅克政治難民勒垃貝爾格萊德造仔一座喇嘛廟。

第二次世界大戰

隨着1941年6月份德國侵略蘇聯，戈培爾（Goebbels）從貝爾格萊德、巴黎幫布拉格邀請仔一眼傑出個卡爾梅克人去柏林。渠要渠拉幫忙進行宣傳。納粹希望拿卡爾梅克人拉到渠拉一邊去反對俄國人。沒卡爾梅克人撥送到集中營里向。

當納粹德國第16摩托化步兵師勒垃曼斯坦因陸軍元帥個指揮下頭勒垃1942年早期進入卡爾梅克個辰光，一些貝爾格萊德卡爾梅克人參加仔搿趟入侵，渠拉勒浪德國1941年4月占領南斯拉夫以後參加仔德國國防軍。德國軍隊受到仔奶油跟牛奶個歡迎，搿是傳統搿卡爾梅克人迎接人客個禮節。渠拉撥當作斯大林個壓迫統治個解放者。德國人取消仔土地個集體化並重新私有化土地。渠拉允許卡爾梅克人重新信封佛教。作為反應，卡爾梅克人拿渠拉為仔安全埋到地里向個宗教書籍挖出來並且造仔一座臨時個寺廟。勿過，勒垃1942年11、12月，紅軍收復仔卡爾梅克地區，外加摧毀仔人們重建個一切物事。

勒搿段辰光，大約5000男子加入納粹軍隊，組成了「卡爾梅克自願騎兵團」，只有一眼眼婦女兒童陪同渠拉。搿個卡爾梅克部隊跟納粹軍隊一道戰頭，特別是勒垃阿速海附近。

卡爾梅克人個離散II

勒1943年12月，卡爾梅克蘇維埃社會主義共和國撥廢除，渠個領土撥劃分並轉交撥臨近個地區：斯大林格勒州，阿斯特拉罕州跟Stavropol邊疆區。為仔徹底清楚所有卡爾梅克人個痕跡，蘇維埃當局拿卡爾梅克語個城鎮跟村莊個名字改成俄語個。比如講，埃斯塔那（Elista）變成仔Stepnoi。

為仔懲罰部分卡爾梅克人個勿忠，斯大林命令驅逐所有剩下來個卡爾梅克人（包括卡爾梅克族個紅軍戰士）到中亞跟西伯利亞去。估計有三分之一個卡爾梅克人勒垃路上或者接下來個流放個辰光死脫。渠拉個人權撥忽視，卡爾梅克人社區停止存在，搿就完成仔對卡爾梅克人個種族清洗。

戰後個卡爾梅克

因為一拉散居勒西伯利亞，一拉個語言跟文化可能遭到勿可挽回個損失。1957年，赫魯曉夫個只赤佬模子允許剩下來額卡爾梅克人回來，但是一拉回來發覺一拉個房子、職業跟土地儕撥俄羅斯族跟烏克蘭族移民擁有哉。勒垃1957年1月9號，卡爾梅克再次稱為一個自治州，並且勒垃1958年1月29號，變成俄羅斯下頭個一個自治共和國。

勒垃1991年蘇聯解體以後，卡爾梅克作為一個自治共和國留勒新個俄羅斯聯邦里向。

勒吉爾吉斯斯坦個東部也有卡爾梅克少數民族，特別是來拉卡拉考爾地區個一個村里向，人數弗多。作興該星人就是來拉17世紀大部分卡爾梅克人西遷個辰光留勒當地個卡爾梅克人。因為人數少，外加受到四轉多數民族個影響，俚篤個閒話搭傳統來浪消亡。雖然吉爾吉斯卡爾梅克人里向有星人已經信仔伊斯蘭教，世界浪別個卡爾梅克人多數還是信藏傳佛教。

卡爾梅克人也勒美國，特別是賓夕法尼亞搭仔新澤西建立過社區。個裡向個大多數是1920年代末從俄國逃到法國、南斯拉夫搭仔保加利亞去，然後再逃到德國去個卡爾梅克人。弗少德國個卡爾梅克人勒第二次世界大戰結束個辰光撥允許移民到美國。

「卡爾梅克」該個詞語個意思是「留勒浪個人」。俚個來頭是弗清爽哉，必過勒拉18世紀一大道卡爾梅克人從伏爾加河遷回到準噶爾之前，該個名字就已經叫仔幾個世紀哉。

卡爾梅克勒2006年舉辦過Veselin Topalov搭仔Vladimir Kramnik之間個世界象棋冠軍賽。^[1]

卡尔梅克共和国

地理

河流

湖浜

自然資源

氣候

行政區劃

人口

歷史