反誓反裂敎

反誓反裂敎（又讴反宗敎改革）是指1500年至1648年期间，罗马天主敎会对誓反裂敎个对应运动。

缘起

天主敎会对誓反裂敎个对应作法，因为立场弗同而有分歧个称呼，有排新敎徒称天主敎会个反应为“反宗敎改革”，天主敎徒则称为“天主敎会个改革”。个两种用法全反映仔某排相关事件个真貌。1517年，马丁路德在威登堡钉上佢个九十五信条个辰光，意大利有心改革个人在罗马成立爻 “圣爱会”（Oratory of Divine Love），昰个是由六十个天主敎会领袖组成团体，志在崇拜与彼此扶持。圣爱会延伸出其他组织搭修会，发展都邪气蓬勃；天主敎个改革，动机是改革生命而弗是改革敎义。昰段辰光顶具影响力个修会是耶稣会。早在大约模一个世纪之前，西班牙在斐迪南二世国王与伊莎贝拉一世女王联合当权个辰光，进行一种宗敎觉醒个改革，鼓励方济会会士西麦内斯（Francisco Jiménez de Cisneros）枢机改革敎会事务、资助学问研究，顶顶要注意个结果是： 《康普鲁顿合参本圣经》于1522年，分别以希伯来文、希腊文、拉丁文出版。昰个也是天主敎会得以重新振兴，始于西班牙个热心改革敎会。

耶稣会

主文章：耶稣会

领导天主敎改革个杰出人物圣依纳爵·罗耀拉是耶稣会个创立人。佢是斐迪南及伊莎贝拉个宫廷见习骑士，1521年法军攻击潘普洛纳辰光，坚守受爻重伤，而弗能从事军旅。在修养辰光，研读有关基督个书，深受影响。之后常庄得到异象，昰种经验帮助佢发展出一手册《神操》（Spiritual Exercises）。 此书在帮助与引导读者默想、祷告、自省与认罪。

书中个设计需用四个礼拜来完成：第一星期专于讨论罪、第二星期是研讨基督生平、第三星期是基督受苦、第四星期是复活与得胜，一切个默想搭指导，以个四大主题为主轴。顶重要是帮助信徒战胜苦难，使自家全然献畀天主。1528年来到巴黎大学，朆搭加尔文碰面，但却结交爻六位耶稣会个核心伙伴。有一位是圣方济各·沙勿略，佢场七人于1534年8月15日创立爻耶稣会。

耶稣会个组织：坚守过守贫穷、贞洁搭服从个生活之外，还要加上第四誓：绝对服从敎宗。新会士需具备罗耀拉个精神，邪气重视军事组织与服从，品性与信仰全需符合正统。同时具有几个特点：

• 高度中央集权，为总会长（General）
• 所有其他领袖全由总会长指派，总会长是选出个终生任职
• 顶重要个是要培养一种神操，根据圣依纳爵个手册。

耶稣会有三个主要个任务：

一、反对抗罗（对抗罗马天主敎会）个誓反敎。耶稣会一句常用语“愈显主荣”，昰个天主个国度是集中于天主敎会。

二、提供高素质个敎育。佢场相信，人个理性得到培育，就会懂得正确个决定。耶稣会有一句名言：“畀我一个小囡，让我场敎育佢到七岁，佢会得终生做天主敎徒。”罗耀拉于1556年7月31日过世，伊歇，耶稣会修士已在罗马、德国、希腊、匈牙利搭英国建立爻学院。到1626年，耶稣会有四百七十六所学院搭三十六间神学院；到1750年，单在法国就有六百六十九所学院、一百七十六所神学院。

三、推动新地区宣敎工作。十六世纪是耶稣会写下顶伟大个宣敎记录：美洲、非洲、亚洲领人归主。顶大个胜利个地方就是亚洲，方济各‧沙勿略在1541年畀派往印度个果阿，就开始整个亚洲个宣敎。印度、中国、中南半岛、搭日本，收获丰富。伊歇葡萄牙人所统辖海外领地个大本营就在果阿。另一位传敎士利玛窦在中国开创仔现代传敎工作，编写福音信息，使之适用于中国传统与思想方式；虽然朆有得一位统治者归信，但也成功打入北京个宫廷。

1604年，诺比利（Roberto de Nobili）抵达印度，呒没几许辰光，佢就了解到，假使基督宗敎真正要成为对所有个种族可选定个宗敎，传敎士必须更道成肉身。佢弗止学会了印度语，而经过一番研究思考，选定爻四项应对措施： 束发（kudumi）、裹纱 （thred）、额记（santal）搭净礼（ablutions）。自从诺比利认清印度个文化与习俗，对印度人有最贴切个改变后，成千上万个印度人归向了基督。还有菲律宾个大部分人口，也成爻天主敎徒。

天特会议

主文章：天特会议

天主敎誓反裂敎个主轴大戏，就是天特会议。就在新敎兴起辰光，天主敎会继续腐化，英国也宣布国王权力大过敎宗。召开誓反裂敎会议个呼声一径从下层敎士发起，大学里向也有同样个声音，末脚君主查理五世也决定要解决昰眼宗敎问题。

敎宗保禄三世在压力下低头，召开了第一次会议，处理敎会改革搭应付与日俱增更正敎个威胁。地点在意大利北部山区个小城特伦托，在1545~1563之间，前后有三个会期：1545~47；1551~52；1562~63。像一位枢机主敎所描述个：“在敎会史上，朆有得任何大会决定过介些多问题，确立过介些多敎义，或者制定过介些多法规。”

当大会于1563年12月4日，毕幕个辰光，会议共召开了二十五次，用了近十八年个辰光。共有四位敎宗使节、三位宗主敎、二十五位大主敎、一百二十九位主敎、七位修道院院长、七位天主敎特别团体个领袖，十位检察官与欧洲所有天主敎国家个大使联合起来，郑重个共同签署昰个大会所通过繁多谕令。庇护四世伊歇头卧病在床，佢回应昰个大会个结论，说：“个一切全是在天主圣神感召下个成果。”

天特会议与更正敎三原则个差异

1. 圣经与传统个权威：天特会议承认圣经以外传统个权威，传统与圣经同有灵感、同有权威。当两者有冲突时，则诉之至高无上个敎宗个决定。解释圣经个唯一权威在敎会，所有个别意见应臣服于敎会之下。
2. 更正敎在七项圣事中，只保留两项：洗礼搭圣餐。会议宣称：恩宠能透过七个圣事传畀信徒，昰些圣事是：洗礼、圣餐（感恩礼）、坚振礼、告解、傅油、圣秩、婚礼。
3. 天特会议对“信徒皆司祭”个观念个看法，搭誓反敎弗同，指出只有主敎搭神父代表敎会有能力宣布，昰个人得赦罪与否。

天特会议畀了天主敎朝后个四个世纪个宗敎发展有一个明确个立场。

异端裁判所个恢复

在传统上属天主敎个国家像意大利、西班牙搭法国咾啥，异端裁判所为天主敎改革运动个重要工具。异端裁判所个正式名称为“最高宗敎法庭”，其目的在于抑制异端个兴起，防止敎会个分裂。昰个主要是加拉法枢机主敎（Cardinal Caraffa）个推动，到了1542年，佢对寻求与基督新敎沟通个人，直接批评甚至于威吓。乃末罗马个异端裁判所成立，由罗马敎廷控制。敎廷任命爻六个枢机主敎为总监，加拉法是其中之一。佢认定异端是背离上主个叛徒，也是顶恶劣个罪人。由裁判所来处置最为适当且有效，就像医师面对生病个人，该切除个就切除，省得危害基督信徒个社群。

异端裁判所在意大利用得顶普及。在西班牙是搭较古老个合用也邪气有效。任何型式新敎派个团体，老快就畀西班牙个异端裁判所消灭脱。然而在昰种恶劣个环境当中，有圣女大德兰（大德肋撒）（ St. Teresa of Avila，1515~82年）及圣十字若望 （St. John of the Cross，1542~91年）昰两位以灵恩式体验闻名个导师，仍然有丰硕个成果。法国比较缓和，德国呒没异端裁判所个传统，告咾弗普遍。英国在习惯丄弗准敎廷进行异端裁判。昰个也成为更正敎进一步发展个主要阻碍。

禁书目录个发布

同样搭异端裁判所施行高压手段个嚜，开列禁书目录。昰个办法咾在中世纪曾经使用过，但成功个程度弗同。天特会议个压末一个会期，通过且颁布伊歇期最权威个禁书目录。昰个目录即所谓个《天特目录》交由敎宗庇护四世（1559~65）执行。佢在1564年担索引印发，呼吁各地个基督徒遵照办理。个目录查禁脱书目约占当时欧洲印行书籍个四分之三。几乎仅挺武加大译本，与天主敎信仰个书本才好发行。敎宗还任命一个查禁书目个独立委员会，按期对书目增订，一直到1966年才废止脱。

对雨格诺派个逼迫

法国也受到加尔文个影响，遍及全国，从1557年以后称为雨格诺派，佢场是一群有才智与理想个人，其中有部分是贵族，虽在剧烈个逼迫当中，仍然人数成长。到了1555年在巴黎有一个敎会，经过四年个成长，在法国雨格诺派敎会已有七十二处之多。公敎派与雨格诺派全想掌控政府，决意诉诸武力，展开了爻三趟恶战。

到1570年中，有一段短暂个和平，政府准许几座城为雨格诺派统治，并有崇拜个场许。雨格诺派领袖科利尼（Coligny）支持过去个政策，反对西班牙个协助工作，以使得法国搭西班牙是对立个。伊歇佢场规划让出一些土地畀法兰西，条件是马上援助荷兰个革命军。科利尼主张最力，而且佢顶受查理九世个重用。为与法国各政治势力个调和，计划使纳瓦拉个亨利（Henry of Navarre）与查理九世个姊妹瓦罗亚（Valois）个玛格丽特（Marguerite）结婚。日期订于1572年8月18日，地点在巴黎是一个极富宗敎色彩个城市，那日汇集爻交关公敎贵族与雨格诺派，参加此盛礼。

照此情势演变，亨利极可能成为法国个国王。公敎极端派隔手去警告梅迪奇，雨格诺派有阴谋；为仔消除脱科利尼个势力，策动一趟大谋杀，由吉斯一家及在巴黎个公敎狂热分子所为。昰趟盛筵，所有雨格诺派个领袖全畀邀，称著 1572年8月24日圣巴多罗买日（St. Bartholomew’s Days），整个巴黎个钟都敲响，昰个是大屠杀个暗号，整整三日三夜个流血惨剧。昰趟科利尼畀杀，与佢同时畀杀个老多，据说单在巴黎就有得八千人。后又扩及到法国其他城市，死亡人数应是几倍于此。纳瓦拉个亨利因放弃抗议宗主义，而能逃脱一死，该事件反为内战带来爻新个冲突。

参考文献

• 郝伯尔《历史个轨迹》，李林静芝 译，校园书房出版社，台北，1986。
• 黄孕祺《基督敎史话》，香港敎会书室有限公司，香港，1985。
• 葛麦福《基督敎神学原典精华》，杨长慧 译，校园书房出版社，台北，2003。
• 沈介山《基督敎会史大纲》，中华福音神学院出版社，台北，1986。
• 唐纳德‧特雷德戈德《基督敎史》，孙慧民 译，桂冠图书（股），台北，1992。
• 比尔‧奥斯丁《基督敎发展史》，马杰伟 译，种子出版社，香港，2002。
• 陶理《基督敎二千年史》，李伯明、林牧野 译，海天书楼出版，香港，1997。
• 奥尔森《神学个故事》，吴瑞诚、徐成德 译，校园书房出版社，台北，2002。
• 麦可‧柯林斯、马修‧普瑞斯《基督敎个故事》，谢青峰 译，台湾麦克股份有限公司，台北，2005。
• 华尔克《基督敎会史》，谢受灵、赵毅之 译，基督敎文艺出版社，香港，2005。

参见

• 誓反裂敎
• 耶稣会