反物质

拉粒子物理学里向，反物质（英语：antimatter）是反粒子概念个延伸，由反粒子构成，个就跟普通物质是由普通粒子构成个一样。比方讲，一颗反质子搭一颗反电子〈正电子〉好形成一个反氢原子，个同电子搭质子形成一般物质个氢原子一样。此外，物质搭反物质个结合，会得同粒子搭反粒子结合一般，导致湮灭，释放出高能光子（伽马射线）或是其他能量较低个正反粒子对。

自然界里向咾难寻着反物质，除脱像因放射性衰变或者宇宙射线等情况下头，个是由于反物质弗可避免会得碰着自然界个物质，立时三刻湮灭，除脱像物理实验室个种人工环境下头。反粒子搭一些稳定个反物质（例如反氢）好极少量生产，但量基本弗够对伊拉验证其理论性个程度。