同济大学

同濟大學是中國個一隻歷史蠻悠久個學堂，現在是教育部直屬個全國重點大學，還是「211工程」搭仔「985工程」個學堂。伊個建築、土木工程、汽車等專業儕是邪氣好個。

學堂里向個國立柱

同濟頂早是德國醫生Erich Paulun垃拉1907年建個，當時叫德文醫學堂。第二年名字改成功同濟德文醫學堂。「同濟」有「同舟共濟」個意思垃里向，另外學堂同大多數人認為「同濟」是德文單詞Deutsch垃上海言話里向個諧音，必過並嘸沒查到相關資料。1910年學堂開設工科之後名字又改仔同濟醫工學堂。1917年變成華人個私立學堂，畀教育部直接管理，名字叫私立同濟醫工專門學校。後首來垃1923年改成功大學。1927年畀南京國民政府個教育部接手，成立國立同濟大學，是中國頂頂早個七所國立大學之一。1937年開設理學院之後成為一隻綜合性個學堂。呆呆叫搿一年中國搭仔日本個戰爭開始了，葛末學堂只好搬到四川李莊去。後首到1946年個辰光回到上海。中華人民共和國成立之後，學堂又畀調整了老多趟數，2002年成為教育部985工程重點建設個高校。

外部連結

• 同濟大學

維基共享資源里向尋得着搭該篇文章搭界個多媒體資源：

同濟大學