哈马斯

哈馬斯（حركة المقاومة الاسلامية ，伊斯蘭抵抗者組織）是一個由巴勒斯坦人組成個政黨，伊搭交關弗贊同搭以色列和解，乃朝也擁有自家個武裝力量，堅持要以武裝鬥爭達到恢復巴勒斯坦國個既定目標。

2006年1月25號，哈馬斯贏仔2006年巴勒斯坦立法委員會選舉|巴勒斯坦立法委員會選舉，屬於巴勒斯坦解放組織個法塔赫變成少數黨。1月26號，哈馬斯勒垃巴勒斯坦第二次立法委員會選舉中拿著132個席位里向個74席（56%），原來個執政黨法塔赫只拿著45席（34%）。3月28號，巴勒斯坦立法委員會宣布，哈馬斯個新政府組建方案通過^[1]。但是，法塔赫主席阿巴斯拒絕承認箇趟選舉結果，再加上美國布什總統支持^[2]，伊想拿哈馬斯政府解散脫重新選舉，結果雙方爆發武裝衝突^[3]。

自從2007年加沙戰爭以來哈馬斯事實浪是控制著加薩走廊，搭以色列交戰嘸寧，經常刺殺以色列人，攻擊猶太人定居點。據以色列國防軍情報，伊搭曾勒垃2000年至07年裡向勒加沙製造425起恐怖個事體^[4]。故咾伊畀一星國家認為是恐怖組織，必過聯合國弗認為伊是恐怖組織，認為伊只是只抵抗組織。