哥舒翰

哥舒翰（弗明－757年），唐帝國中期個名將，突騎施（西突厥別部）首領哥舒部落人。胡人多拿部落當做自家個姓，所以，拿此為氏。祖沮，左清道率。父叫做道元，當到過安西副都護，世代住勒安西。哥舒翰屋裡向老有鈔票，自家個性格豪爽，好然諾，歡喜吃老酒。安史之亂辰光，守潼關，後頭畀唐玄宗強令出戰，失利，畀安祿山俘虜，後頭安慶緒殺脫安祿山，自家登基為帝，有嘸過多久，叛軍輸畀唐軍，逃脫，拿哥舒翰殺脫。唐代宗辰光，贈伊太尉，諡曰武愍。