基因编辑婴儿事体

基因编辑婴儿事体，指个是中国南方科技大学生物系副教授贺建奎搭仔伊团队来勒2018年利用基因编辑技术，改造一对双胞胎小毛头胚胎细胞个CCR5基因，嘗試让婴儿获得对部分艾滋病产生免疫能力个争议性事体。

2018年11月份，贺建奎来勒自家个实验室里向录视频解释自家对胚胎进行基因编辑个过程

箇桩研究最先来勒2018年11月25号由贺建奎团队用视频形式公佈^[1]並接受美联社个专访^[2]。11月26号，人民網表示贺建奎个做法是中国个基因编辑技术来勒疾病预防领域丄实现历史性突破^[3][1]，一时三刻引发争议，科学界搭社会吵唻弗可开交^[4][5]，因为基因编辑婴儿本身涉及还呒没解决个倫理搭技術问题^[6][7]。人民網随后拿箇隻表扬个新闻删除脱，並发出一篇批評賀建奎个社評^[8]。戴维·巴尔的摩代表第二届人类基因组编辑国际峰会组委会发布声明，表示谴责，呼吁制定严格标准^[9]。

技术

研究里向用个主要技术是CRISPR/Cas9^[3]，是一种利用CRISPR/Cas系統准确进行基因编辑个技术，乃朝从多数細菌、古菌里向个一種获得性免疫系統中发现^[10]，好消滅外來个质粒或者噬菌体^[11][12]。贺建奎讲，伊个团队用迭隻技术编辑胚胎细胞里向帮艾滋病免疫有关个CCR5基因，让婴儿先天有得免疫艾滋病个能力^[3]。2017年3月到2018年11月，贺建奎招募到8对夫妇志愿者（艾滋病病毒抗体男方阳性、女方阴性）参与实验，阿末有2名志愿者怀孕，当中1人生下双胞胎毛毛头“露露”“娜娜”，另外1名还没养出来。挺下来6对志愿者里向有1对中途退出实验，另外5对侪呒没怀浪^[13]。

进行有关基因测序咾啥个检查以后，精子清洗，体外受精，拿Cas9、sgRNA经显微注射注射到受精卵里向，体外培养成囊胚，去除細胞做基因診斷^[14][15]，阿末拿胚胎塞回母亲个子宫里向，养出雙胞胎。箇對雙胞胎出生以後，贺建奎叫伊拉露露（Lulu）帮娜娜（Nana）^[3][1]。

CCR5基因表达个产物是白细胞表面个一种蛋白质，叫CCR5蛋白质，R5型HIV病毒进入并感染宿主细胞个过程当中需要借助CCR5蛋白质，某些人群个基因组里向有得CCR5基因个一种突变型，叫CCR5-Δ32，有一段长32对碱基对个缺失，表达产物呒办法畀HIV病毒识别帮结合，故咾伊好对R5型HIV病毒引起个艾滋病免疫^{[16][17][18][19][20][21]}，但对于仅使用CXCR4受体蛋白个X4型HIV病毒並呒没免疫能力^[22][23]。而CCR5勒垃正常免疫里向个作用並弗清爽^[24]。另外，有綜述表示，携带CCR5-Δ32个人生多发性硬化症个风险会得增高^[25]，帮其他自体免疫性疾病^[26]、肿瘤个關係^[27]並弗清爽，尽管报告普遍表示发现有弗利个相关^[26][27]。CCR5-Δ32还可能會得让人勒垃感染西尼罗河病毒以後出現更嚴重个神經系统疾病^[28]。

人为用CRISPR/Cas9技术编辑敲脱人个CCR5基因帮高头迭种人群里向自然发生个CCR5基因突变缺陷（CCR5-Δ32）个结果啊是一样还弗晓得，而且CRISPR/Cas9技术还弗成熟，可能会得引发“脱靶效应”，也就是切错脱哉，引发一系列呒办法预测个突变，遗传学丄对畀编辑生物个基因组具有风险^[29]。贺建奎只从测序角度回應，讲伊勒垃畀胚胎基因測序个辰光只發現一個勒垃非編碼區、離基因區有一定距離个潛在脱靶，而且生出来以后沒測出脱靶^[30][31]。

贺建奎出席第二届基因编辑国际峰会

11月28号，贺建奎勒垃第二届基因编辑国际峰会丄表示，露露个两隻CCR5基因既弗是野生型，也弗是Δ32，是两种目前还呒没发现自然存在个移码突变，效应弗清爽。娜娜两隻基因里向，一隻缺失15個碱基（Δ15），弗产生移码突变，必过表型效应也弗清爽，另外一個是野生型^[32][33]。

调查帮审判

2018年11月26号，中国科技部宣佈暫停賀建奎个科研活動，中国国家卫健委、广东省人民政府、深圳市人民政府就箇桩事件调查^[34]。12月6号，國務院總理李克強主持國家科技領導小組會議个辰光特別提到“嚴肅查處違背科研道德和倫理的不端行為”^[35]。

2019年1月21号，广东省调查组公布事件初步调查结果，定性是贺建奎为咾追逐个人名利，自筹资金，逃避监管，私自组织有关人员，实施国家明令禁止个以生殖为目的个人类胚胎基因编辑活动，表示会得对贺建奎等涉事人员机构依法依规严肃处理。^[13]

2019年4月14号，《纽约时报》发布报道表示，美国斯坦福大学个调查发现，导师史蒂芬·奎克（英语：Stephen Quake）晓得贺建奎个研究进程，並没去拦牢伊。^[36]。

2019年6月10号，国务院总理李克强签署国务院令，公布《中华人民共和国人类遗传资源管理条例》^[37]。同年12月30号，基因编辑婴儿事件在来勒深圳市南山区人民法院一审公開宣判，贺建奎因为非法行医罪判有期徒刑三年，处罚金人民币三百万元^[38]。