复旦大学附属妇产科医院

復旦大學附屬婦產科醫院，貤叫上海市紅房子婦產科醫院^[1]，是一所三級甲等婦產科專科醫院。醫院有黃浦老院區、楊浦新院區兩隻院區，黃浦院區來勒上海市黃浦區方斜路419號，新院區來勒楊浦區瀋陽路128號。

黃浦區登記弗可移動文物——紅房子醫院

紅房子婦產科醫院1884年成立，本來叫西門婦孺醫院（英語：Margaret Williamson Hosipital），是美國基督教女公會咾啥創辦個，1952年劃撥畀政府接管。因為醫院創建個辰光，屋頂是紅顏色個，故咾一百多年來上海市民儕親切個叫伊「紅房子醫院」；2003年，上海市衛生局批准「上海市紅房子婦產科醫院」箇隻第二冠名。紅房子醫院乃朝有黃浦、楊浦兩隻院區，年門診量高達162萬人次，住院病人6.6萬人次，門診量、住院病人手術數儕是上海婦產科專科醫院第一名。