海

海（上海閒話吳語學堂拼音：he⁵）是由大量鹹水組成個水體，渠受陸地全部或局部地圍繞。^[1]廣義上個海則是指由地球海洋鹹水水域組成個互聯繫統，一般拿渠看待為一整個世界大洋，或是由幾個分開個大洋組合而成。大海對地球個氣候起到緩衝作用，且拉水循環、 碳循環，搭子氮循環中扮演着重要個角色。雖然人類從史前時代就開始拉大海中旅行並探索未知個海域，弗過現代海洋學研究從19世紀70年代英國個挑戰者號遠徵才開始。一般而言，渠最多分為五個大洋，當中包含國際航道測量組織個四個指定大洋（大西洋、太平洋、印度洋，搭北冰洋），搭子南冰洋；較小個次要海區，比如地中海，則一般以「海」命名。托大洋相比，海並沒獨立個潮汐搭子海流。

葡萄牙錫尼什附近波濤洶湧個海面。

海洋對人類發展搭貿易交關重要，比如全球最繁忙個轉口港新加坡。

中國個珠江三角洲有着世界上最繁忙個幾個港口，海洋拉人類個發展搭貿易中扮演了極其重要個角色

由於大陸漂移，北半球現在個陸地搭海洋之間個比例較為平均（約為2：3），但南半球絕大多數個地方儕受海洋所覆蓋（1：4.7）。開放水域個鹽度（鹽類物質個質量）則一般拉3.5％左右，儘管此一數值可在較為接近內陸個水域、大河口附近，搭子深海中發生更大個變化。開放水域個溶解物質中，以氯化鈉為最多，約佔全部溶解物質個85％。由於海洋中各區域鹽分搭溫度有差異，因而產生溫鹽環流。海流個形成歸因於受風搭潮汐蘊藏個能量所推動個海浪，局部海平面個變化則是因月球搭太陽個引力所致：箇些個方向儕會受到地球表面搭海底個大陸塊，搭子地球個自轉（科里奧利力）所影響。

陸地向海平面下延伸形成大陸架，為海洋接近陸地個淺海區域，大陸架海域富含養分，為多樣海洋生物個棲息地，並供給人類大量食物—主要為魚類，並有甲殼類水生動物、海洋哺乳動物搭海藻—透過野生捕撈搭水產養殖獲取。大型熱帶珊瑚礁個生物多樣性相當高，深海海域捕鯨業曾相當發達，隨着鯨個數量大幅減少促使國際上簽署條約限制捕撈，國際捕鯨委員會拉1986年起禁止大多數商業捕撈。海洋中個生物並非僅生長拉陽光照射到個水域，即使拉海底深處，壓力交關大個超深淵帶也有生物，渠個營養來源來自深海熱泉，形成獨特個生態系統，箇類生物叫作嗜極生物。拉無生源論中，生命起源可能是來是海洋，海洋微生物墊符合地球大氣個大氧化事件，而動物搭植物個起源也儕來自海上。

海洋對人類貿易、旅遊、礦物開採、能源生產等方面儕相當重要，亦為戰爭個場域。垃拉海岸個城市可能受地震或火山活動造成個海嘯影響，熱帶海域為熱帶氣旋、颱風搭氣旋個活躍區域。海洋對於人類文化產生重要影響，從早期神話里個水神到荷馬史詩，再到哥倫布大交換引發個巨大轉變，從海葬到松尾芭蕉個俳句再到超現實主義個海洋藝術；搭子《蘇格蘭個牢騷》中船夫號子激勵人心個音樂到尼古拉·安德烈耶維奇·里姆斯基-科薩科夫個《舍赫拉查達》再到張惠妹個《聽海》。海上個休閒活動包括游泳、潛水、衝浪搭帆船運動等。但隨着人口增加、工業化搭精耕細作造成今朝個海洋污染，海洋因吸收大氣中增加個二氧化碳，導致PH值下降，即海洋酸化；海洋資源共享造成過度捕魚個問題仍拉增加。