天皇

天皇是日本君主个称号，也是神道教个最高领袖，是现代世界里向唯一用皇帝（Emperor）^[1]称号个君主，俚做头头个日本皇室是世界浪现在还有个顶顶古老个皇室。天皇个族系号称“万世一系”，从头一个天皇神武天皇以来一脉相传，並弗像中国、韩国、越南等周边国家有过改朝换代，该个是因为天皇个历史浪掌握实权个辰光交关短，所以反而好逃脱战乱，让皇室加二长寿。现在，天皇是日本个国家象征，也是实际浪个国家元首，虽然日本宪法朆明确规定俚国家元首个地位。勒神道教传统里向，天皇是天照大神后裔，有神性，认为天皇弗是普通个日本人，所以天皇搭俚个屋里人呒没姓氏（历史学浪叫俚天皇氏），日本宪法也朆畀俚公民权。虽然二战过后，昭和天皇已经宣布完全放弃历史浪畀俚个“神性”，必过原归有国民拿天皇当国家个象征。