安亭镇

安亭鎮，是上海市嘉定區個一隻鎮，勒垃嘉定區西南部，是上海「一城九鎮」城市規劃里向個一座衛星城。伊西臨江蘇省崑山市，南接青浦區白鶴鎮。2009年2月拿黃渡鎮喫脫以後，總面積有89.29平方公里^[1]，戶籍人口8.39萬人（2008年）。

歷史

安亭鎮勒垃明正德年間形成，因古制「十里一亭」而得名。1958年，上海市政府決定勒垃安亭鎮起工業區，造工廠。1959年，上海市當局拿安亭鎮定位成汽車城^[2]。1971年10月，一機部讓上海客車廠拿新廠移交畀上海汽車廠。1984年，德國大眾汽車勒垃安亭投資起合資企業生產汽車，後些來上汽集團也搬過來，成就安亭個「汽車城」。2004年6月份造好個上海國際賽車場會得舉辦F1中國大獎賽個比賽。

1966年，上海國棉十七廠個王洪文等紅衛兵造反派勒垃安亭𢴳脫滬寧鐵路廿個鐘頭，史稱「安亭事件」。

1987年4月，安亭鎮喫脫安亭鄉。2000年9月，拿方泰鄉併脫，2001年11月份，因為造上海國際汽車城，原青浦區白鶴鎮西元村等5隻村組地塊劃畀安亭鎮，2009年，上海市政府批准嘉定區撤銷安亭鎮、黃渡鎮，成立新個安亭鎮。^[1]