安倍晋三

安倍晋三（日文：安倍晋三／あべしんぞう^{Abe Shinzō}，1954年9月21日—2022年7月8日）是日本自由民主党籍政治人物，担任过内阁总理大臣（第90任、第96任、第97任、第98任）、自由民主党总裁（第21任、第25任）、内阁官房长官（第72任）、自由民主党干事长（第41任）等司务。伊勒垃自由民主党派阀里向属于清和政策研究会，垃2021年出任第10任会长。安倍晋三生垃东京都个政治门阀，老屋里勒垃山口县。阿爷安倍宽是众议院议员，爹爹安倍晋太郎当过外务大臣。安倍晋三搭仔外公岸信介、外叔公佐藤荣作全当过内阁总理大臣，盖咾畀人讴作“一家门里出三相”。