宗教

宗教（拉丁文：Religio），是一套經過規範之後個對神明個信仰搭崇敬。宗教個形式多種多樣，信奉個觀念也各有千秋。乃朝，世界高頭頂頂大個三大宗教是基督教、佛教搭伊斯蘭教。弗過假使按照人口來講，則是印度教替代佛教，躋身三大宗教。宗教對人類個歷史發展有決定性影響，乃朝世界各地個文明，基本浪儕受到自家宗教傳統個塑造。立在一些國家，經過世俗化個過程，乃朝宗教對社會搭政治個干預已經下降。弗過，立在中東等回教國家，宗教還是起到決定性作用。此外，一些老早宗教信仰弗強個場化，也出現宗教快速傳播個現象。