宝带门

寶帶門，又叫小東門，是上海明、清時期個城門。

寶帶門勒拉今朝上海市黃浦區人民路搭仔中華路兩條半圓形環路個東部交匯處，東西向道路是方浜中路、方浜東路搭仔東門路。

歷史

明嘉靖年，為咾防衛倭寇入侵，修上海城牆，寶帶門是伊個辰光開個6座城門之一。^[1]

寶帶門門外是黃浦江碼頭搭仔十六鋪商業區，門裏向直通城隍廟商業區，一向是上海老城鬧猛個地方。

拆脫

1912年（民國元年），上海拆城牆，寶帶門畀人拆脫，護城河畀填脫，改成民國路（人民路）、中華路兩條馬路。小東門繼續當地名搭仔電車站名。今朝小東門裏向一段方浜中路被開闢成「上海老街」。附近還有一條「寶帶弄」受寶帶門名字個影響。