尹锡悦
大韩民国第20届总统，前检察总长 From Wikipedia, the free encyclopedia
Remove ads
尹錫悦（朝鲜语：윤석열／尹錫悅 Yun Seok-yeol，1960年12月18號生），本貫坡平尹氏，祖籍忠清道公州市，[1]大韓民國保守派政治家搭檢察官，國民力量黨籍，第20任大韓民國總統，當過大韓民國檢察總長、首爾中央地方檢察廳廳長、水原地方檢察廳驪州支廳支廳長等職務。
生平
尹錫悅出身坡平尹氏，是高麗武將，門下侍中尹瓘個後代。
1960年12月18號，尹錫悅出生在大韓民國首爾特別市城北區普門洞，[2]在西大門區延禧洞长大。[3]渠拉爺尹起重生勒日治朝鮮忠清南道公州市灘川面長善里，[4]渠是延世大學個畢業生搭箇個大學個統計學教授，到日本一橋大學留學過，當過韓國經濟學會會長。[5]孃崔成子是江陵崔氏崔鍾九個女兒，[6]元先在梨花女子大學教書，結婚了之後就不再教書哉。[7]1979年，尹錫悅考入首爾大學個法律系。[8]讀大學個辰光，渠參加了一場關於對1980年光州民主化運動個血腥鎮壓個模擬審判，渠以模擬檢察官個身份要求判當時個總統全斗煥死刑。箇個模擬審判個情形有在學堂裏向搭外頭流傳開來咾，尹錫悅跑到江原道去畔起來哉。[9]
2021年6月29號，尹錫悅表態渠會得參加2022年總統選舉，7月份加入了國民力量黨。[10][11]11月5號，尹錫悅在初選裏向勝出，確定成爲頂大在野黨國民力量個總統候選人。[12]
2022年3月10號，尹錫悅以領先0.73%個票數贏得總統選舉。[13]
2024年12月3号夜里向10点27分，尹锡悦突然召开紧急谈话，宣布全国紧急戒严。[14][15]韩国国会後首来宣布戒严无效[16]，伊也就弗得弗宣布会得解除戒严令[17]，总共只有六個钟头。[18][19]戒严结束仔么，韩国国会勒12月12号通过对尹锡悦个弹劾案，伊当场停职。[20]2025年4月4号，宪法法院以8票支持，0票反对通过尹锡悦弹劾案，尹锡悦成为韩国宪政史丄第二位㑭罢免个总统[21]。2025年7月10号，首尔中央地方法院以尹锡悦有消灭证据个嫌疑为由，再一趟发出逮捕令，让伊隔仔大概4个月之后又一次拨抓仔进去。
Remove ads
参考资料
外部链接
Wikiwand - on
Seamless Wikipedia browsing. On steroids.
Remove ads