帝国主义

帝國主義是一個19世紀歐洲知識分子發明出來個詞彙，用來形容一種政治主義，講一個國家搶脫別個國家個領土搭仔奴役箇個國家個居民，建立經濟搭政治浪個霸權，凌駕勒別個國家浪向。

奧斯曼帝國個奴隸主在押送自家統治地盤高頭個黑人

爭論

立在西方個話語體系當中，帝國主義一般用來形容19世紀挨末階段到20世紀初，西方個列強殖民全世界辰光個行為。迭個行為，也通過馬克思搭列寧等個論述，成為乃朝交關人心目當中帝國主義個代表。弗過，歷史浪交關帝國也有類似個行為，比方講阿茲特克帝國奴役周邊部落，奧斯曼帝國同化並壓榨巴爾幹基督徒，迭些行為到底算不算帝國主義。乃朝還是一個爭論個焦點。