张庙街道

张庙街道是中国上海市宝山区一隻街道办事处，来垃上海市宝山区南部，东起西泗塘河，西到共和新路，南到一二八纪念路，北临蕰藻浜，面积5.19平方公里，户籍人口12.47万人（2008年）。2006年5月8号，宝山区原泗塘新村街道帮通河新村街道合并，成立张庙街道办事处。办公地址来垃呼玛路800号（原通河新村街道办事处办公地址）。^[1]

历史

张庙街道箇块地是1959年配合上海市治金、化工等工业项目落户吴淞工业区造个工人新村。1960年成立张庙路办事处，1962年建立张庙路街道办事处，箇個辰光是吴淞区。1964年，吴淞区撤销，划畀杨浦区。1965年改名泗塘新村街道办事处。1980年划畀宝钢地区办事处，1981年来勒宝钢地区办事处基础上建立吴淞区。1988年宝山县、吴淞区合併，划进宝山区。1980年代中期张庙地区新造居民住宅区，1990年拿泗塘新村街道爱辉路以东拆分出来，成立通河新村街道。2006年5月8号，泗塘新村街道、通河新村街道再合并起来，成立张庙街道。