徐汇新村

徐匯新村，是中華人民共和國上海市徐匯區徐家匯街道漕溪北路邊丄個一批高層居民樓個統稱，1975年6月20號動工修個，1976年12月份修好個，攏總有9棟南北向個，沿咾漕溪北路個高層居民樓組成，當中北部是3幢16層樓（1994年加到17層樓）個居民樓，南部有6幢13層樓（1994年加到14層樓）個居民樓，總建築面積共計7萬多平方米，是上海市頭一批高層居民樓^[1]。徐匯新村曾勒垃1994年、2007年進行兩趟較大規模個整修。2015年，徐匯新村作為上海建設較早個高層小區，進仔第五批上海市優秀歷史建築。