微信
From Wikipedia, the free encyclopedia
Remove ads
微信（英语：Wechat/Weixin）是腾讯勒2011年1月21号[1]推出个一款支持Android搭仔iOS操作系统个智能手机即时通信软件。微信支持Mac搭Windows，必过勒浪电脑丄用微信前，必须要用手机先登录。
微信支持中文搭英文[2]，Wechat支持多种言话[3]。微信搭Wechat侪支持多种手机数据网络。用户好拍摄照片搭增加装饰艺术滤镜、字幕，发送到个人照片日志，并发送至“朋友圈”。微信还支持分组聊天、语音通话、视频通话、广播（一对多）消息、照片/视频共享、位置共享、微信支付、理财通，小程序、视频号咾啥个服务，并有共享流媒体内容个Feed搭基于位置个社交插件“摇一摇”、“朋友探测器”、“附近的人”[4]。微信大部分功能侪是免费个，来勒App Store里向个标记是12岁以上下载使用[5]。
微信搭Wechat有弗一样个服务条款搭隐私政策。用中国大陆手机号码（+86）建账号个用户适用微信个条款，数据会保存勒中国大陆。[6][7]用别个场化个手机号码建账号个用户适用Wechat个条款，数据会保存勒荷兰（欧盟个用户）或者新加坡（其它场化个用户）。[8][9]
截至2024年9月份，微信来勒全球有13.82亿活跃用户，是中国大陆活跃用户顶多个社交软件[10]。
Remove ads
功能
使用微信必须注册账号。[11]账号安全个情况下头好注销账号。[12]
社交功能
微信个主要社交功能是通过企业或私人微信号加好友建群进行交流。
即时通讯
即时通讯是微信个主要社交功能，只有互相是微信联系人才可以进行即时通讯。通讯框里向，有文字消息、语音消息、语音输入、语音聊天、视频聊天、照片搭视频分享、定位分享、微信红包、转账等功能[13][14]。照片还好进行编辑，文字信息还好直接机器翻译。
微信支持弗同类型个即时信息，比方讲文字短信、视频、语音短信、实时对讲、表情符号、表情包咾啥个。用户好发送事先保存或实时个图片搭视频、其他用户个名片、优惠券、红包或当前个定位。微信个表情包帮日本聊天程序[[LINE（引用程序）|LINE]浪个形式差弗多][15]。
寻好友
微信添加好友个方式弗少，好通过微信号或手机号码寻、通讯录或根据定位添加附近用户、“漂流瓶”游戏或“摇一摇”寻。2015年，微信新增好友雷达功能[16]。2018年12月底发布个7.0版本里向，微信取消“漂流瓶”功能。
每个微信账号除开好改个微信号，还有唯一账号标识，形式是“wxid_”+“14位字符”。
朋友圈
朋友圈（英语：Moments）是微信好友更新推送服务品牌。用户来勒朋友圈好发文字、发图片、发视频、发评论、分享链接。外部链接是各式APP内容，内部链接主要是微信公众号文章。旧版本里向，关联脸书搭推特帐号个用户甚至好同步更新迭两只账号[17]。其他朋友好对发布个内容进行评论、点赞。
朋友圈个隐私性弗低个，除开用户开启非好友好浏览最近10条朋友圈动态个情况，只有好友才好看朋友圈，并且只有好友好评论、查看互为好友用户个赞咾评论咾啥个。发布朋友圈前，用户还好自家设定可见范围，决定某些好友或分组啊好看到迭条朋友圈[18]。用户发布个图片、视频好随时设置成“私密”，只畀自家看。用户还好设置自家朋友圈历史消息个可见时长范围。
微信会来勒朋友圈里向插广告。[19]
互联网功能
微信浏览器
PC版微信打开网页链接，使用个是操作系统默认个浏览器内核，比方讲IE，必过加载前会得根据黑名单进行屏蔽默认浏览器弗一定屏蔽个网页。手机端浪，假使微信版本是6.1以上，微信会得用QQ浏览器个X5内核加载网页。[20][21]
微信状态
2020年，微信推出微信状态。用户好更灵活个表达自家当前个心情。状态由一个个小图标表示。近几年又推出自定义状态，好主动编辑自家更详细个状态。
公众号
微信支持希望注册公众号个用户拿内容推送畀订阅用户，同订阅用户进行互动，畀伊拉提供服务。目前公众号分三种：服务号、公众号（原订阅号）、企业号（已经合并进企业微信哉）。一旦用户用个人或组织个名义设立一种类型个账户，就弗好再更改账户类型。截至2014年底，公众号已经有800万只[22]。组织公众号认证要交300块审核费，通过仔么就算认证公众号，有效期一年。
公众号好用作医院挂号[23]、护照签证续签[24]、信用卡服务[25]咾啥个平台，必过弗允许公众号作者来勒文章里向添加微信平台以外个外部链接，唯一好随意链接个地方是底部个“阅读原文”。[26]
根据微信官方，2018年3月起，由于“相关法律规定”，新注册个公众号没“写留言”功能[27]，必过2024年重新开放留言功能[28]。
视频号
视频号个内容主要是视频，好发布弗超过1只钟头个视频[31]或不超过9张的图片。也可以进行在线直播。
新闻推送搭仔搜索
2017年5月份，腾讯启动“搜一搜”、“看一看”两只新闻推送功能，前头只搜物事用个，后头只好看到好友最近来勒看啥文章[32]。
圈子
前身是“购物单”功能（好物圈），用户好拿扎劲有兴趣个商品加到清单里向，2019年12月份升级成“微信圈子”，功能帮基于兴趣同好个豆瓣小组差弗多。因为用户使用率低，2021年12月28号，个只功能停止运营哉[33]。
生活功能
微信支付
微信卡包
用户好通过微信公众号、城市服务等渠道领会员卡、优惠券、电子证件、二维码咾啥个，存勒微信卡包里向。
扫一扫
在简体中文版本里向，好扫二维码、条形码、识别书籍、CD封面、电影海报，拍街景识别位置（实际浪是通过手机定位）、拍摄照片后识别照片里向个中/英文并提供翻译。其他版本里向显示是“扫描二维码”，只提供扫描条码、二维码功能。
小程序
2017年，微信推出“小程序”功能[34]。用户好用微信扫描小程序码或小程序二维码打开小程序，也好来勒微信里向搜索小程序打开。打开过个小程序好来勒“发现”页－“小程序”里向寻着。微信开放多种服务类目个小程序[35][36]，用户好用小程序打车、点餐、外卖、游戏、工具咾啥个，弗少应用都推出小程序，让用户弗需要另外安装其他应用程序[37]。
企业微信
微信专门为咾办公、公司、企业沟通推出个企业微信，2016年上线，目的是帮助员工拿生活帮私生活分隔开[38]。除开聊天功能，企业微信好看到对方消息啊有接收，好请假甚至提供打卡证明[38][39]。公司必须来勒专门个平台浪注册，员工才好用个只服务[40][41]。2020年9月份，企业微信英文名改成功WeCom[42]。
其他
- 微信电话：WeChat Out：2016年2月，腾讯推出VOIP服务个微信电话，允许用户来勒全球范围里向打手机、座机。个只功能允许买功能程序里向个电话卡，一开始只来勒美国、印度、香港推出，后来扩大到日本、泰国、澳门、老挝、意大利[43][44]。
- 微信指数：2017年3月份，腾讯推出微信新功能“微信指数”。搜索微信指数收录个关键词，用户好看到个只关键词来勒过去7天、30天、90天里向个流行指数[45]。迭些数据基本浪向是从微信公众号里向采集个，评估指标包括社交分享、点赞、阅读量等指标[46]。
- 微信运动：用户通过微信运动好查看自家每天走个步数。[47]
- 微信键盘：2022年9月份，微信推出微信键盘App（微信输入法），是单独一只APP，必过来勒微信里向用会得有额外个协作功能，好快速搜索、快速发送表情包、歌曲等内容。[48]
Remove ads
争议
关键词审查
微信有自家个敏感词词库，搿点敏感词包括六四运动、法轮功、习近平等。敏感词会一直变动。微信用户弗会收着有敏感词个消息，也发弗出来，但必过微信呒不发送失败个提示。微信里向个浏览器也会封锁搭法轮功、反共媒体、赌博等主题有关系个网站。[49][50]
自动订阅
微信安装以后会得自动订阅腾讯新闻组件，每天推送几条新闻，有个用户觉着烦透烦透，外加自家呒没畀提醒过，拗咾要取消订阅，必过取消订阅个操作一样繁琐。腾讯微信市场部人员则表示，只会来勒用户勾选个情况下头推送腾讯自家个新闻，要取消自家去设置-插件里向取消订阅。[51]
自媒体审查弗严
2020年4月16号，微信平台出现一篇叫《哈萨克斯坦为何渴望回归中国》个文章，引起哈萨克斯坦外交部向中国外交部抗议。微信随后宣布展开清理，删脱“渴望回归中国”类违规文章227篇，对153家公众号进行封号处理[52]。
参考
外部链接
Wikiwand - on
Seamless Wikipedia browsing. On steroids.
Remove ads