打浦桥街道

打浦桥街道是中国上海市黄浦区下辖个一个街道。东起重庆南路、鲁班路，西至日晖东路、肇嘉浜路、陕西南路，南到斜土路，北到建国西路、建国中路。面积1.59平方公里。街道办事处勒垃南塘浜路103号。

打浦桥

打浦桥^[1]原先是横跨肇嘉浜个一座桥，后来指个是乃朝黄浦区肇嘉浜路、瑞金二路交汇处附近。20世纪初前，个面是上海县城西郊，连接上海县城、松江府城个水运干道肇嘉浜东西横穿，南北两面个支流日晖港、东芦浦勒垃个𡍲交汇。晚清个辰光，日晖港两面形成日晖市，是一只柴草、沙石交易市场。1914年，肇嘉浜以北划进上海法租界，浜南面是华界，1928年是沪南区，1945年是卢家湾区。租界部分整齐繁荣，华界部分棚户区，当中个肇嘉浜污染严重。1954年，肇嘉浜填浜造路，1956年开始造小规模打浦桥商业中心。1990年代，打浦桥地区进行大规模旧改，从“下只角”变成中高档住宅区、区域性商业、餐饮休闲区。