明神宗

明神宗朱翊鈞（「翊」通「翌」）（1573年9月4號－1620年8月18號），是明朝第14代皇帝，年號萬曆。渠是明穆宗朱載垕個第三子。隆慶六年（1572年）繼位，之後統治明帝國將近半個世紀。成為明朝歷史浪當皇帝頂頂久個人物。伊統治開始辰光，由自家個老師張居正負責朝政，大權旁落，等張居正死脫，伊開始親政。弗過老快因為自家後宮搭太子個問題搭文官集團鬧翻。之後，長期蹲在紫禁城後宮，弗上朝弗見內閣。個段辰光，明朝面臨蠻多外部威脅，萬曆東征西討，勞民傷財，到17世紀開始辰光，建州女真個努爾哈赤崛起，立在薩爾滸之戰拿明朝軍隊滅脫，萬曆曉得消息之後一病不起，嘸多久死脫，伊弗歡喜個長子朱常洛繼位，之後明朝朝政開始受到東林黨搭閹黨個鬥爭影響，進入歷史個挨末階段。