現代標準漢語

該篇文章介紹個弗是漢語。

現代標準漢語（也叫國語、普通言話或者華語）是一種廣泛通行垃拉中國漢族地區搭全球漢族社會個語言，是近代吳越文人為搞大一統搞出來個花頭，個當中，借鑑交關法國國族主義內容，伊拉認為一個疆域之內弗存在族群，只有國民（國民黨來歷），國民要講一種語言，國家才好穩定。所以，1923年個辰光，中華民國教育部國語統一籌備會第五次會議決定基於現代代中國北方官話個白話文語法搭北京話語音制定，1932年經中華民國教育部頒布《國音常用字彙》之後，採納為中國個官方語言，當前來勒中國大陸、臺灣、新加坡等地方儕是官方語言之一，也是東南亞搭其他海外華人群體廣泛採用個共通口語或書面語；外加渠是聯合國六種官方工作語言之一，成為國際人士學習漢語個主要參照。其稱呼搭定義來各地弗一樣，中國大陸搭港澳地區稱渠為「普通話」，臺灣稱渠為「國語」，來勒東南亞搭漢語社群以外地區稱為「華語」。

吳敬恆

因地域個不同，中國大陸個「普通話」、臺灣個「國語」搭東南亞地區個「華語」來語音搭詞彙上有一點差別，儘管可理解為受各地語言腔調個影響，但必過來勒正式個書寫語法上向相對統一。外加來勒世界各地儕出現著老多現代標準漢語個腔調變體，譬如講臺灣華語（臺式國語，受台語音調影響）、新馬華語（受閩粵及馬來語、英語影響），身為漢語起源地個中國大陸則有更加多個腔調變體（相對於規範化個普通話，通稱為「地方普通話」），像四川普通話、南寧普通話、廣式普通話等等儕帶有本地方言個腔調。

參看

• 官話