曹丕

曹丕（187年-226年）是東漢帝國挨末階段搭三國辰光有名個帝王搭政治人物。伊個爸爸是鼎鼎大名個曹操，伊也是曹操個大兒子。曹丕220年讓漢獻帝讓位把自家，代替漢帝國，建立魏帝國。伊個諡號是魏文帝。曹丕文采蠻好，有詩句流傳到後世，也拿伊歸類到建安七子當中。

曹丕

生平

187年冬天，在拉沛國譙縣（乃朝安徽省亳州市）出生。根據主流書籍高頭個講法，曹丕從小就文武雙全，六歲就會射箭，八歲就好提筆寫文章。

197年，曹丕個長兄曹昂在拉宛城故脫，曹丕成為曹操個嫡長子。

200年，曹丕搭曹操一道，參加官渡之戰。

207年，曹丕搭曹操一道，參加白狼山之戰。

208年，曹丕搭曹操一道，參加赤壁之戰。

211年2月12號（建安十六年正月辛巳日），成為五官中郎將、副丞相。

212-213年，曹丕參加濡須口之戰。

217年，曹操立曹丕為自家個世子。

220年，曹操故脫，曹丕繼任魏王。同年，讓漢獻帝讓位把伊，建立魏帝國。年號黃初。

226年，故脫，葬首陽陵。