架空接触网

架空接觸網（又叫架空電纜），是憑藉電桿支撐，架設拉電力驅動交通工具行駛軌跡上方半空，拉搭渠接觸連接時用以向渠直接供電個特殊形式個輸電線路。拉電氣化鐵路搭城市軌道交通系統中，架空接觸網一般只有1根接觸導線（簡稱觸線），電力機車或動力車通過受電弓取電，再通過金屬輪軌回流到電網中；而拉無軌電車等使用膠輪個系統中，架空接觸網有一正一負2根互相平行個觸線，通過2根受電桿取電並形成通路。