柏拉圖

柏拉图（希腊语：Πλάτων，约公元前427年－前347年）是著名个古希腊哲学家，雅典人，俚个著作大多以对话录形式纪录，并创办仔著名个柏拉图学院。柏拉图是苏格拉底个学生子，也是亚里士多德个老师，俚笃三人畀广泛认为是西方哲学个奠基者，史称“西方三圣贤”或者“希腊三哲”。

柏拉图出生勒一个富裕个贵族家庭，俚父亲是苏丹（Sultan）、母亲是克里提俄涅（Perictione），俚勒窝里排行第四，据传是古雅典国王个后裔，俚也是当时雅典知名个政治家柯里西亚斯（Critias）个侄子。依据后来第欧根尼·拉尔修个说法，柏拉图个原名为亚里斯多克勒斯（Aristokles），后歇来因为俚强壮个身躯畀称为柏拉图（勒希腊闲话当中，Platus一词是“平坦、宽阔......等意思）。但第欧根尼也提起其他说法，柏拉图该名字也作兴是来自俚流畅宽广（platutês）个口才、或因为俚拥有宽广个额角头。由于柏拉图出众个学习能力搭其他才华，古希腊人还称赞俚为阿波罗之子，并称勒柏拉图还是婴儿个辰光曾有蜜蜂停留勒俚嘴唇浪，俚个口才再会个浪甜蜜流畅。

公元前399年，苏格拉底受审并畀判死刑，柏拉图对当时个政治体制彻底绝望，那么开始游遍意大利半岛、西西里岛、埃及、昔兰尼加等地以寻求知识。据说俚勒四十岁辰光，大约公元前387年结束旅行转去雅典，并勒雅典城外西北角创立着自家个学堂——著名个柏拉图学院，该爿学院成为西方文明最遭有完整组织个高等学府之一，后世个高等学术机构也因此而得名，也是中世纪辰光勒西方发展出来个大学个前身。

学院个名字搭学院个地址有关，坐落勒一处曾为希腊传奇英雄阿卡得摩斯住所个土地浪，因而以此命名。学院存在仔900多年，直到公元529年畀查士丁尼大帝关闭为止。学院受到毕达哥拉斯个影响较大，课程设置类似于毕达哥拉斯学派个传统课题，包括算术、几何学、天文学搭声学。学院培养出交关知识分子，当中最杰出个是亚里士多德。

除之荷马外，柏拉图也受到交关个之前个作家搭思想家个影响，包括了毕达哥拉斯所提出个“和谐”概念，搭勒阿那克萨戈拉教导苏格拉底应该拿心灵或者理性作为判断任何事体个根据；巴门尼德提出个连结所有事物个理论也作兴影响着柏拉图对于灵魂个概念。